Mionrudaí a Chuireann Soir Thú

Paz-CCFC · 21-01-2014 12:27am #1

Is snáithe leantach ar an gceann Béarla atá ar After Hours é seo (Trivial things that annoy you) .

An Geimhreadh agus gach rud atá bainteach leis. Na laethanta gearra: dorchadas ar maidin nuair a éiríonn tú agus fén am a chríochnaíonn tú leis an obair. An fuacht. An leac oighear. Do bhí leac oighear ar an gcoscán ag a aon déag ar maidin. Tá an ghrian amach ag an am san, imigh leat!

Gan aon pheil go dtí Mí an Mhárta. Níl cluichí teilifíse maith go leor. Níl rud ar bith níos fearr ná a bheith ag féachaint ar Chathair Chorcaí, go mór mór nuair atá an lámh in uachtar fachta againn in aghaidh na mBleá Cliathach.

Na fotheidil ar TG4. Is dóigh liom go ndúrt é seo cúpla uair ar an bhfóram so. Agus ansan, nuair atá daoine ag labhairt as Béarla, ní chuirtear fotheidil Gaelainne ar fáil. Sílim gur sheolas ríomhphost isteach agus níor freagraíodh dom. Tá cúpla ríomhphost seolta agam fé rudaí eile, gearáin agus ceisteanna ginearálta, agus níor tugadh ard ar bith dom. Tá sé díomách go leor.

Cad a chuireann soir tusa?

Grudaire · 21-01-2014 11:18am

Daoine a bíonn ag gearán faoin geimhreadh agus báisteach go ginerálta.. :pac:

Paz-CCFC · 21-01-2014 12:24pm

Grudaire wrote: »

Daoine a bíonn ag gearán faoin geimhreadh agus báisteach go ginerálta.. :pac:

An rud fén bháisteach ná go mbíonn daoine ag dul thar fóir. Ní bhíonn sé chomh mhinic ná mar atá ar aigne ag roinnt daoine. Agus, ar an iomlán, níl sé chomh throm sin. Is beag an t-am ina mbíonn sé ró-fhliuch le siúl.

Ach an Geimhreadh. Go maraí an Samhradh é! Ghlacfainn leis an bhfuacht go pointe áirithe - is féidir cóta agus lámhainní a chur ort agus uaireanta tá sé go deas siúlóid fén aer úr a bheith agat. Ach na laethanta gearra - is fuath liom iad go huile is go hiomlán. Buíochas le Dia ná fuilimid chomh thíos leis ná mar atáthar i dtuaisceart Alban nó sa Chríoch Lochlann. Níl 'fhios agam conas atáthar in ann maireachtaint nuair a bhíonn sé dorcha chomh luath sin.

Ar a laghad, bíonn laethanta an tSamhraidh an-fhada againn, ach cheapfaí uaireanta ná beidh deireadh le Mí Eanáir. Go dtaga an tEarrach go tapaigh!

craoltoir · 21-01-2014 12:42pm

Paz-CCFC wrote: »

An rud fén bháisteach ná go mbíonn daoine ag dul thar fóir. Ní bhíonn sé chomh mhinic ná mar atá ar aigne ag roinnt daoine. Agus, ar an iomlán, níl sé chomh throm sin. Is beag an t-am ina mbíonn sé ró-fhliuch le siúl.

Go leor daoine ní bhíonn éadach oiriúneach acu chun fanacht tirim sa bháisteach. Mar sin ní bhíonn siad sásta!

Paz-CCFC · 21-01-2014 1:13pm

craoltoir wrote: »

Go leor daoine ní bhíonn éadach oiriúneach acu chun fanacht tirim sa bháisteach. Mar sin ní bhíonn siad sásta!

Bhuel, sin mar a dheirtear, nach ea? Ní hé droch-aimsir atá ann, ach droch-éadach!

Ní féidir teacht slán ar na laethanta gairid, áfach. Nó b'fhéidir go bhféadfaimis scatháin ollmhóra a chur i seasamh, chun a thuilleadh gathanna gréine a thabhairt dúinn!

Poll Dubh · 22-01-2014 3:09am

Na fotheidil ar RTÉ. Má thosaíonn duine ag labhairt as Gaeilge cuirtear 'speaking in Irish' ar an scáileán. Is cosúil nach bhfuil fadhbanna éisteachta ná páistí torannacha ag Gaeilgeoirí.

Grudaire · 22-01-2014 10:56am

Aontaím libh faoi na fotheideal

Is fuath liom nuair a tagann an bus/luas/traein go luath... Bhí an traein luath orm inniu agus bhí orm tacsaí a fháil

Míshásta · 26-01-2014 11:20am

Na mná san a pháircealann an tralaí taobh le taobh le tralaí eile i lár an phasáiste san ollmhargadh is a chuireann bac ar shiopadóirí eile dul thart. Is cuma cé mhéid spás oscailte a bhíonn ann chaithfidís an bleidí cosán a bhlocáil don slua.

Cuireann san le báiní mé. :mad:

An gal gréine · 26-01-2014 12:26pm

Míshásta wrote: »

Na mná san a pháircealann an tralaí taobh le taobh le tralaí eile i lár an phasáiste san ollmhargadh is a chuireann bac ar shiopadóirí eile dul thart. Is cuma cé mhéid spás oscailte a bhíonn ann chaithfidís an bleidí cosán a bhlocáil don slua.

Cuireann san le báiní mé. :mad:

An rud céanna nuair atá triúir acu ag siúil gualainn ar ghualainn ar na cosáin agus tusa ag teacht ina dtreo, bhal, rachaidís go fíoríochtar ifrinn ná spás a dhéanamh duit.

robman60 · 27-01-2014 12:58am

Paz-CCFC wrote: »

Na fotheidil ar TG4.

Is fuath liom iad chomh maith! Táim ag déanamh na hardteistiméireachta i mbliana agus mar sin ba mhaith liom feabhas a chur ar mo chuid Gaeilge, ach bím ag leamh na bhfotheidil i gconaí.

Cad a dhéanaim chun an fhadhb a réiteach? Cuirim geansaí ar an scáileán!:P

Grudaire · 27-01-2014 10:37am

Níl na fotheideal le feiceáil ar chláir atá dírithe ar an óige... :pac:

Míshásta · 27-01-2014 11:19am

Na daoine san nach bhfuil faic le rá acu ar chláir phlé Gaeilge ach rudaí mar gheall ar an teanga. :P

Agus níos measa fós an dream cantalach cancránach san a bhíonn ag síor-ghearáin mar gheall ar na daoine nach mbíonn aon rud le phlé acu i nGaeilge ach cúrsaí Gaeilge.

ag imeacht liom go tapaidh......

.

Míshásta · 27-01-2014 11:28am

An gal gréine wrote: »

An rud céanna nuair atá triúir acu ag siúil gualainn ar ghualainn ar na cosáin agus tusa ag teacht ina dtreo, bhal, rachaidís go fíoríochtar ifrinn ná spás a dhéanamh duit.

Abair é, a bhuachaill. Agus gan amhras 'siad an triúr ceanann céanna a bhíonn ag cadráil is ag cúlchaint díreach ar thairseach dhoras an ollmhargadh is dom' bhlocáil.

Acciaccatura · 28-01-2014 11:06am

Nuair nach bhfuil aon soicéaid leictreacha ann ar na traeinacha Commuter chun mo ríomhaire glúine a úsáid, táim greamaithe ar thuras ó Droichead Átha go mBÁC le battery beagnach folamh

Míshásta · 30-01-2014 2:11pm

Ná bí ag caint ar bhatairí ídithe. 'Sé an rud is measa nuair a theipeann ar an gcreathaire díreach roimh an gclímeacs. Bíonn teaspach an pháirtnéara ídithe freisin fad is a mbíonn tú ag ransú sa tarrachán ag cuardú batairí úra.

Ná déan dearmad ar bhatairí do chreathaire a mhalartú go rialta.

Paz-CCFC · 04-02-2014 10:27pm

Daoine a athraíonn a n-ainmneacha ar Boards, nuair atá aithne an ainm sin agam orthu. Nílim ag tabhairt amach fé héinne go háirithe...

(...Grudaire/Cliste, An File/Insect Overlord)

Insect Overlord · 04-02-2014 10:29pm

Grudaire · 04-02-2014 10:32pm

Bhí orm an ainm a athrú - nílim chomh suas mo thóin sin go ceapaim go bhfuil mé cliste... geallaim díobh!

Paz-CCFC · 04-02-2014 10:42pm

An File wrote: »

:P

Ní dhéanann an fo-theideal fé bhun d'ainm ciall dá laghad, a thuilleadh. Cén saghas file atá feithidí fé smacht, aige?!

Grudaire wrote: »

Bhí orm an ainm a athrú - nílim chomh suas mo thóin sin go ceapaim go bhfuil mé cliste... geallaim díobh!

Ar a laghad, is léir go bhfuil ceangal láidir go leor agat ar do chuid grúdaithe.

Beidh mé ag súil le piont uait agus dán ón Fhile, agus ansin gheobhaidh sibh pardún agam!

An Riabhach · 04-02-2014 10:48pm

Is fuath liom daoine atá i ngrá leo fhéin agus a cheapann siad go bhfuil gach éinne eile i ngrá leo freisin....

Daoine a cheapann go bhfuil an ceart acu i gcónaí.....

Agus cuireann sé isteach orm go mór nuair nach bhfuil daoine ábalta m'ainm Gaeilge "Séasán" a rá i gceart.....

:-(

Míshásta · 04-02-2014 11:33pm

Seasan wrote: »

Is fuath liom daoine atá i ngrá leo fhéin agus a cheapann siad go bhfuil gach éinne eile i ngrá leo freisin....

Daoine a cheapann go bhfuil an ceart acu i gcónaí.....

Agus cuireann sé isteach orm go mór nuair nach bhfuil daoine ábalta m'ainm Gaeilge "Séasán" a rá i gceart.....

:-(

Ní nach ionadh, an dtuigeann tú cad is "seasán ann???

Dá mba mise tusa, d'athróinn an t-ainm san, a mhic.

Míshásta · 04-02-2014 11:54pm

Ag filleadh ar ábhar na téide. Rud eile a chuireann as dom ná na daoine sin nach gclúdaíonn an tsrón agus an béal le tisiú i gcomhluadar agus iad ag casachtach. Níos measa fós iad siúd a chuireann bos na láimhe roimh an tsrón is iad ag ligint sraoth. Ansan cuimlíonn siad an lámh le cos an bhríste agus nóimeat ina dhiaidh bíonn an lámh thruaillithe chéanna sínte amach chun lámh a chroitheadh le duine eile. Íuc!

Ní nach ionadh go mbíonn an slaghdán chomh tógálach san.

An Riabhach · 05-02-2014 12:14am

Míshásta wrote: »

Ní nach ionadh, an dtuigeann tú cad is "seasán ann???

Dá mba mise tusa, d'athróinn an t-ainm san, a mhic.

Ááá!!:-( Ach is maith liom an t-ainm Séasán agus tá sè le húsaid agam go ceann tamaill an-mhaith-níl fadhb le roinnt mór le Gaeilgeoirí eile leis,ach bíonn daoine eile nach féidir leo,cinnte...
Tá rogha eile-"Iasón".
Ach ní maith liom é.

An Riabhach · 05-02-2014 12:48am

Amhráin agus scannáin rómáinsúil-is mise fear singil,le buíochas-tá brón orm ach is fuath liom an cac mushy seo go léir!!

Cúlchaint agus cúlchainteoirí-ar an drochuair tá siad mórthimpeall orainn i ngach áit....

Acciaccatura · 05-02-2014 10:48am

Daoine ar traeinacha nach suíonn isteach in aice leis an bhfuinneog agus a chuireann a gcuid stuif ar an suíocháin in aice leo, go háirithe nuair a mbíonn na traeinacha chomh plódaithe, ní dheánann sé aon chiall

Chonaic mé seanfhear ag tabhairt amach do dhéagóir inné ag déanamh é seo, is breá liom drámaíocht ar iompar phobail :P

Paz-CCFC · 05-02-2014 5:42pm

Acciaccatura wrote: »

Daoine ar traeinacha nach suíonn isteach in aice leis an bhfuinneog agus a chuireann a gcuid stuif ar an suíocháin in aice leo, go háirithe nuair a mbíonn na traeinacha chomh plódaithe, ní dheánann sé aon chiall Chonaic mé seanfhear ag tabhairt amach do dhéagóir inné ag déanamh é seo, is breá liom drámaíocht ar iompar phobail :P

Tá cuid againn ró-ard dos na suíocháin fuinneoige - níl aon rogha ach suíocháin an phasáiste a úsáid, le cos ag gobadh amach!

Mountainlad · 05-02-2014 9:14pm

An caighdeáin Gaeilge ar na fógraí a feictear ar seirbhísí pobal. Ní 'snob' mé ó thaobh Gaeilge de (ba chóir go mbeadh gach éinne a dhéanann iarracht é a labhairt moladh a fháil do sin) ach caithfidh go mbeadh Gaeilge deas, ceart nach mbeadh aon amhras faoi an mhíniú. Is cosúil go bhfuil cuid do na fógraí seo tógtha díreach ón mBéarla.

Acciaccatura · 06-02-2014 2:26pm

Paz-CCFC wrote: »

Tá cuid againn ró-ard dos na suíocháin fuinneoige - níl aon rogha ach suíocháin an phasáiste a úsáid, le cos ag gobadh amach!

Áá, ceart go leor, sin pointe maith, go háirithe mar is duine beag mé :P Ach déanann go leor leor daoine beaga nó de mheán-ard é, ar traeinacha plódaithe ag a cúig a chlog, agus cuireann sé isteach go mór orm

An Riabhach · 06-02-2014 11:34pm

Custaiméirí san ollmhargadh atá mímhúinte i gcónaí agus nach bhfuil aon béasa acu ar chor ar bith.

Sea-táim ag obair in ollmhargadh,agus ó am go h-am bíonn custaiméirí cantalach agus droch-bhéasach,agus an chaoi a labhraíonn siad linn,cuireann sé fearg an domhan orainn ach ag an am céanna caithimíd fós a bheith macánta agus múinte leo.
Agus de ghnáth bíonn na mná níos measa-chreid nó ná chreid.

hullaballoo · 06-02-2014 11:50pm

^^^Aontaím le sin ó thaobh bheith ag obair leis an bpobal de. D'oibreas i dtithe tabharna ó am go ham ar feadh deich mbliana. Ní chreidfeá an sotal!

An Riabhach · 07-02-2014 12:02am

hullaballoo wrote: »

^^^Aontaím le sin ó thaobh bheith ag obair leis an bpobal. D'oibreas i dtithe tabharna ó am go ham ar feadh deich mbliana. Ní chreidfeá an sotal!

Ó creidim,cinnte.
Custaiméirí atá cantalach-go holc.
Custaiméirí atá cantalach agus ar meisce-ifrinn ar talamh!!!

Paz-CCFC · 08-02-2014 12:23pm

Mo dhuine Nigel Owens, an réiteoir rugbaí, agus an moladh a fhaigheann sé lena ráitis mar "ní peil í seo" agus a thuilleadh truflaise. Is léir nach bhfuil muinín aige ina spórt féin, má tá sé ag úsáid a stádais chun dímheas a chur ar spórt eile. Níl ann ach fear suarach.

deirdremf · 09-02-2014 1:19pm

Acciaccatura wrote: »

Áá, ceart go leor, sin pointe maith, go háirithe mar is duine beag mé :P Ach déanann go leor leor daoine beaga nó de mheán-ard é, ar traeinacha plódaithe ag a cúig a chlog, agus cuireann sé isteach go mór orm

Cuireann siad as domsa freisin, ach ansin cuireann mé isteach orthu in aonturas.
"Gabh mo leithscéal ach teastaíonn an suíochán sin uaim".

In amanna, déanaim seo fiú má tá suíochán eile ar fáil!

haveabanana · 11-02-2014 5:22pm

Lucht leanúna sacair a bhaineann úsáid as an chéad phearsa iolra sa Bhéarla agus iad ag caint faoin bhfoireann Sasanach (nó Albanach!) a leanann siad. Msh. We played badly today, we need to get rid of Moyes. Cé an 'we' seo? Is breá liom sacar ach ní thuigim an meon sin ar chor ar bith, ach tá sé chomh forleathan sin. Ní úsáidfainn féin an chéad phearsa iolra le cur síos ar an bhfoireann peile áitiúl fiú, ach amháin sa chás go mbéinnse ag imirt leo.

lfqnic · 14-02-2014 11:39am

Stoirm geallta do lá mór na gaeilge amárach

Bheith i ngrá le duine nach maith leat.

Nó, le bheith níos cruinne fá dtaobh de, bheith i ngrá éagmais le duine nach maith leat le cúig bliana anuas. Ochón.

An Riabhach · 18-02-2014 4:21pm

Daoine a deireann "like","yknow",agus "oh my gawd" tar éis gach cúpla focail nuair a bhíonn siad ag labhairt,agus daoine a thosnaíonn ceist a fhreagairt le "Yeah,no,......"

Also Starring LeVar Burton · 19-02-2014 5:20am

Míshásta wrote: »

Na mná san a pháircealann an tralaí taobh le taobh le tralaí eile i lár an phasáiste san ollmhargadh is a chuireann bac ar shiopadóirí eile dul thart. Is cuma cé mhéid spás oscailte a bhíonn ann chaithfidís an bleidí cosán a bhlocáil don slua.

Cuireann san le báiní mé. :mad:

An gal gréine wrote: »

An rud céanna nuair atá triúir acu ag siúil gualainn ar ghualainn ar na cosáin agus tusa ag teacht ina dtreo, bhal, rachaidís go fíoríochtar ifrinn ná spás a dhéanamh duit.

Seasan wrote: »

Custaiméirí san ollmhargadh atá mímhúinte i gcónaí agus nach bhfuil aon béasa acu ar chor ar bith.

Sea-táim ag obair in ollmhargadh,agus ó am go h-am bíonn custaiméirí cantalach agus droch-bhéasach,agus an chaoi a labhraíonn siad linn,cuireann sé fearg an domhan orainn ach ag an am céanna caithimíd fós a bheith macánta agus múinte leo.
Agus de ghnáth bíonn na mná níos measa-chreid nó ná chreid.

hullaballoo wrote: »

^^^Aontaím le sin ó thaobh bheith ag obair leis an bpobal de. D'oibreas i dtithe tabharna ó am go ham ar feadh deich mbliana. Ní chreidfeá an sotal!

Aontaím libh. Cuireann a leithéid soir mé. Níl múineadh ar bith ar duine amháin acu. Is féidir bheith cinnte nach bhfuil mórán sonas ag baint le saoil an dream seo.

GaelMise · 25-02-2014 12:23am

Beirt daoine le Gaeilge ag caint i mBéarla le chéile. :mad:

DyldeBrill · 26-02-2014 5:02pm

Daoine nach glanann suas théis dóibh fhéin ach go háirithe sa chistin. Agus ansin bíonn orm an praiseach a ghlanadh suas. Salach amach is amach !

Paz-CCFC · 26-02-2014 10:02pm

An áibhéil atá ann le Príomhshraith Shasana sa pheil. "An tsraith is fearr sa domhain". Sea, sin an chúis gur chaill trí fhoireann as ceithre, dhá cheann acu sa bhaile, i Sraith na gCuradh. Dá mbeadh foirne na hEorpa go léir i sraith amháin, ní bheadh foireann Shasanach thar an séú áit - b'fhéidir go mbeidís níos lú ná sin.

deirdremf · 01-03-2014 5:02pm

An méid ama a chaitear ag léamh amach torthaí Sacair ó Shasana ar an raidió - chuile raidió se tír.
Seán Bán Breathnach á léamh amach.

An Riabhach · 11-03-2014 10:06pm

Míshásta wrote: »

Ní nach ionadh, an dtuigeann tú cad is "seasán ann???

Dá mba mise tusa, d'athróinn an t-ainm san, a mhic.

Tá an ceart agat.

Táim bréan de dhaoine ag magadh faoi m'ainm agus daoine eile a bhíonn ag strácáil é a rá agus mar sin táim ag athrú....

Íasón is ainm dom as Gaeilge as seo amach.

Paz-CCFC · 11-03-2014 11:28pm

Ar chlár coire, nuair a bhíonn duine fé dhiancheistiú. Ar an gcéad dul síos, ní bhacann sé le dlíodóir – cén amadán nach bhfaigheadh nuair a bhféadfadh sé saol sa phríosún a fháil? Ansin, ag deireadh an chláir, faightear beagáinín fianaise air. Fianaise atá cabhrach don chás, b’fhéidir, ach i bhfad ón mhéad fianaise a chaithfear a thaispeáint sa chúirt le ciontú a dheimhniú. Agus, ansin, tugann mo dhuine admháil iomlán. A amadáin, coimeád do chlab dúnta agus fan le haghaidh dlíodóra!

hullaballoo · 12-03-2014 12:46am

Ná fuil machnaimh atá ann ar na mothúchán neamhdhiongbháilteachta a maireann i meabhair an gcoirpigh nuair atá brú air?

Ní féidir le scríobhnoirí sceáileáin clár coire cur síos cruinn (nó réalaíoch!) a dhéanamh ó thaobh gnéithe dlíúil de, de gnáth. Tá sé deacair dóibh gan iad a bheith ina ndlíodóirí.

Paz-CCFC · 12-03-2014 6:26pm

hullaballoo wrote: »

Ná fuil machnaimh atá ann ar na mothúchán neamhdhiongbháilteachta a maireann i meabhair an gcoirpigh nuair atá brú air?

Ní féidir le scríobhnoirí sceáileáin clár coire cur síos cruinn (nó réalaíoch!) a dhéanamh ó thaobh gnéithe dlíúil de, de gnáth. Tá sé deacair dóibh gan iad a bheith ina ndlíodóirí.

Ar ndóigh, caithfear ligint dóibh a gcuid cumadóireachta a chur in iúl agus ba chomhair cealú an díchreidimh a thabhairt dos na cláir. Ach caithfidh na scríbhneoirí staidéar a dhéanamh ar an gcúlra agus fírinneach éigint a choimeád. Ní dhéantar é sin i gcónaí.

Paz-CCFC · 10-04-2014 11:20am

Nuair a mharcálann duine leabhar leabharlainne. Ní leatsa an leabhar, a amadáin, cuir ar ais mar a bhí sé. :mad:

lfqnic · 10-04-2014 8:38pm

ugh, agus de ghnáth ní bhíonn siad rómheabhrach ach an oiread, mar sin ní bhíonn nótaí fiúntacha scríofa acu fiú!

haveabanana · 15-04-2014 10:31am

Seo an tuiscint atá ag pleanálaí turas Iarnród Éireann ar 'Bhaile Átha Cliath'. Tá iontas orm gur aithnigh sé 'Cill Áirne'

Paz-CCFC · 15-04-2014 6:35pm

lfqnic wrote: »

ugh, agus de ghnáth ní bhíonn siad rómheabhrach ach an oiread, mar sin ní bhíonn nótaí fiúntacha scríofa acu fiú!

Sin é díreach. Déarfainn go smaoiníonn siad "hmm, níl tuairim dá laghad faoin ábhar seo - b'fhéidir má chuirimse líne fé gach uile abairt, foghlaimeoidh mé rud".

Paz-CCFC · 23-01-2021 6:33pm

Sé bliana i ndiaidh tosach na snáithe seo agus tá an ghráin chéanna agam ar an nGeimhreadh fós. Is fuath liom Mí Eanáir!

Mionrudaí a Chuireann Soir Thú

Comments