Cá raibh mé?

Poll Dubh

Tomhas beag - seo grianghraf d'áit a bhí mé inné - cá raibh mé?

Stollaire

an raibh tú amach ó chósta Mhaigh Eo?! agus an focain t-ádh leat a dhiabhail

Poll Dubh

Obair crua cinnte! Tá tú ar an mbealach ceart, is oileán é amach ó chósta Mhaigh Eo. Barúil ar bith agat cá bhfuil an sráidbhaile tréigthe seo?

topper75

Inis Bó Finne?

Stollaire

Poll Dubh wrote: »

Obair crua cinnte! Tá tú ar an mbealach ceart, is oileán é amach ó chósta Mhaigh Eo. Barúil ar bith agat cá bhfuil an sráidbhaile tréigthe seo?

Bhí tú ar oileán álainn Inis Gé?

Poll Dubh

Agus téann an duais go ..... Stollaire.

Inis Gé Theas a bhí tréigthe sna fichidí ach tá athchóiriú á dhéanamh ar roinnt de na tithe anois - cosúil leis an gceann leis an díon nua ar an taobh deis den ghrianghraf.

Stollaire

deas. Chonac clár faoi ar RTÉ
http://www.rte.ie/tv/oilean/inisge.html

Níl ach stráice chúng farraige idir Inis Gé Thuaidh agus Theas, amach ó chósta Mhaigh Eo. Bhí aighneas binbeach idir an dá phobal le fada an lá. Bhuail tubaist muintir na n-oileán ar an Aoine, 28 Deireadh Fómhair 1927 nuair a scrios stoirm fhíochmhar cósta an iarthair. Cailleadh 45 iascaire, deichniúr acu ón dá Inis Gé. Eachtra cinniúnach i stair na n-oileán bheaga ab ea seo - bhí glúin iomlán sciobhtha chun siúil agus laistigh de dheich mbliana tréigeadh na hoileáin.
Ceithre scór bliain níos deireannaí agus tá athrú mór tagtha ar chúrsaí. In áit turas dian uair an chloig i gcurrach ón mórthír, sciorann báid luais trasna na dtonnta ag tabhairt an ghlúin óig ar ais chuig an oileán i gcóir deirí seachtaine tumadóireachta, snámha agus craice. Tá taibhsí na staire á ruaigeadh, seantithe á athchóiriú agus an t-oileán á athshealbhú.

An tseachtain seo fillean foireann 'Oileán' go hInis Gé in éineacht le Caitlín Ní Chatháin agus a fear céile John, beirt a bhfuil grá mór acu don oileán, agus a chreideann go bhfuil rudaí maithe i ndán don áit amach anseo. Mar sin tá siad ag caitheamh dua agus cúram le hathchóiriú sean-áitreabh muintir Chaitlín. Is fiú an obair nuair a fheiceann siad an dearcadh bródúil ar aghaidh a máthair, Mairéad, atá ag filleadh ar an oiléan tar éis tríocha bliain.

B'é seanathair PJ McGinty an taon fear pósta a cailleadh oíche na stoirme móire. Tá seantigh a mhuintire siúd beal dorais le ceann Chaitlín agus tá spéis á chur aige féin anois in athchóiriú na háite.

Áitreabh tábhachtach fiadhúlra atá sna hoiléain, go háirithe don ghé ghiúrann, agus tá saibhreas seandálaíochta orthu freisin. Fear áitiúil is ea Anthony Irwin a eagraíonn turasanna dúlra chuig na hoileáin agus tá sé ag iarraidh cód iompair a chur ar bun mar gheall ar an mbrú a chuirfidh an turasóireacht ar na hoiléain iargúlta seo.

Cá raibh mé:

Poll Dubh

Ag fithisiú an domhain sa stáisiún spáis idirnáisiúnta ab ea?

Stollaire

Ag fithisiú an domhain sa stáisiún spáis idirnáisiúnta ab ea?

Sea, sin é go díreach é.

http://i.usatoday.net/tech/graphics/iss_timeline/flash.htm

ach i ndáirire ní rabhas ann! bhíos ar an suíomh seo

pog it

An é sin gaineamh nó sneachta atá ar an gcladach? Tá an ghrianghraf go hálainn, an-job go deo.

Stollaire

Cá raibh mé?

hubbabubba09

Stollaire wrote: »

Cá raibh mé?

an Daingean?

Stollaire

hubbabubba09 wrote: »

an Daingean?

Tá tú cóngarach...

hubbabubba09

Tá sé agam ach níl sé anois!

hubbabubba09

Chonaic mé an pictúir roimh!!damn it!
Níl an gaelige go maith agam so tá brón orm freisin

Micilin Muc

Ceann Sléibhe, Corca Dhuibhne

Stollaire

hubbabubba09 wrote: »

Chonaic mé an pictúir roimh!!damn it!
Níl an gaelige go maith agam so tá brón orm freisin

Lean ort, seo thíos suíomh maith le haghaidh logainmneacha má tá an leagan Béarla ar eolas agat.
www.logainm.ie

Stollaire

Micilin Muc wrote: »

Ceann Sléibhe, Corca Dhuibhne

Ní hea.
Ach tá sé lonnaithe i gCorca Dhuibhne

Stollaire

Is radharc é ó Cheann Bhaile Dháith i gCorca Dhuibhne ag féachaint i dtreo Bhinn Bhaile Reo, Bhinn na mBan, Phointe an Choma Dhóite agus Mhás an Tiompáin.

Micilin Muc

Cá bhfuil mé anois?

Poll Dubh

Micilin Muc wrote: »

Cá bhfuil mé anois?

In Éirinn?

Micilin Muc

Poll Dubh wrote: »

In Éirinn?

Ar ndóigh! Tá cáil ar an áit ina bhfuil sé.

Poll Dubh

Aillte an Mhothair / Páirc Náisiúnta Chill Airne / Clochán an Aifir ?

Micilin Muc

Micilin Muc wrote: »

Cá bhfuil mé anois?

Níor oibrigh an nasc deireanach.

Seo ceann nua:

Poll Dubh

Grianghraf álainn, ach níl clú dá laghad agam cén áit a bhfuil sé

Micilin Muc

Gaeltacht a bhí ann tráth. Fuair an cainteoir dúchasach deireanach bás i 1985.

Poll Dubh

Reachlainn ab ea?

Micilin Muc

Poll Dubh wrote: »

Reachlainn ab ea?

Sin é!

Poll Dubh

Micilin Muc wrote: »

Sin é!

Go raibh maith agat as na leideanna. Ba bhreá liom dul go Reachlainn lá éigin - chun na héin a fheiceáil ach go háirithe. Ar aimsigh tú aon Ghaeilge suas ansin?

Micilin Muc

Ní cuimhin liom, is fada ó bhí mé ann. Thug Éamon Ó Cuív cuairt ar an oileán in 2007. Tá an teanga ag fás i mBaile an Chaisil, trasna na farraige. Ba bhreá liom canúint Reachlainn a chloisteáil, meascán idir Gaeilge na hAlban agus Gaeilge Uladh.

Poll Dubh

Micilin Muc wrote: »

Ní cuimhin liom, is fada ó bhí mé ann. Thug Éamon Ó Cuív cuairt ar an oileán in 2007. Tá an teanga ag fás i mBaile an Chaisil, trasna na farraige. Ba bhreá liom canúint Reachlainn a chloisteáil, meascán idir Gaeilge na hAlban agus Gaeilge Uladh.

Ba bhreá liom an canúint sin a chloisteáil freisin ach ní dóigh liom go mbeinn in ann é a thuiscint áfach! Má fhaighim mé féin i mBaile an Chaisil lá éigin bainfidh mé triall as Gaeilge a labhairt.

mr chips

Abair liom má bhíonn duine ar bith agaibh ag bualadh isteach go Baile an Chaistil, cuirfidh mé fáilte mór Gaelach romhaibh agus thig liom sibh a ghlacadh thart ar an Ghaelscoil a bunaíodh 9 mbliana ó shin - anois tá breis is 100 páiste ag freastal uirthi. Beidh fiú deis agaibh éisteacht le blás Ultach!

Dála an scéil, tá cainteoir dúchais de chuid Reachlainn / Reachraí (tá cúpla dóigh gur féidir é a litriú) go fóill beo!!! Bhuel, níl Gaeilge aige níos mó, ach tá seanfhear atá níos mó na 90 ina chónaí in ionad na seandaoine anseo i mBaile an Chaistil, Alex Morrison. Tógadh é le Gaeilge nuair a bhí sé ina ghasúr óg, ach ansin cuireadh brú air Geurla a labhairt ó bhí sé b'fhéidir 6 bhliain d'aois nó mar sin. Scéal coitianta.

Ach chuala mé taifead den bhean sin a fuair bás sna 80í, bhí sé sin iontach greanmhar - de réir a chéile d'éirigh sí míshásta leis an dóigh a raibh an boc leis an micreafón ag ceartú a cuid Gaeilge. Is cuimhin liom an pointe briste - agus í ag rá "dearg" lena bhlás féin, "jarrg", cheartaigh an amadán sin í le "jarig" - go tobann dúirt sí "Jarrg, jarrg, JARRG!!:mad:"

:pac::pac::pac:

BoozyBabe

Mise anois, mise Anois!!!!!

Ca raibh me?

Míshásta

Ball éigin uaigneach imeallach iargúlta lom bocht sceirdiúil gaofar fliuch báite.

Tithe athchóirithe chun na turasóirí a mhealladh..

An gal gréine

An iadsan tithe na n-ealaíontóirí i gCo. Chiarraí ?

BoozyBabe

An gal gréine wrote: »

An iadsan tithe na n-ealaíontóirí i gCo. Chiarraí ?

Sin Ceart. Bolus i gCo. Chiarrai.

byhookorbycrook

Ní mise a ghlac seo..ach bedidh suim agam féachaint bhfuil a fhios ag éinne cá raibh mé

Poll Dubh

byhookorbycrook wrote: »

Ní mise a ghlac seo..ach bedidh suim agam féachaint bhfuil a fhios ag éinne cá raibh mé

Tá an t-ainm comhaid ina chabhair mór! Muine Duckett i gCo. Cheatharlach