Cén t-amhrán Nollag Gaeilge is fearr leat?

simu

An ceann is fear liomsa ná "An Oíche úd i mBeithil"

Is maith liom an ceol, go háirithe.

Don oíche úd i mBeithil,
beidh tagairt ar ghrian go brách
Don oíche úd i mBeithil,
go dtáinig an Briathar slán
Tá gríosghrua ar spéartha,
's an talamh 'na chlúdach bán
Féach íosagán sa chléibhín,
's an Mhaighdean in aoibhneas grá

Ar leacain lom an tsléibhe,
go nglacann na haoirí scáth
Nuair in oscailt gheal na spéire,
tá teachtaire Dé ar fáil

Céad glóir anois don Athair,
i bhFlaitheasa thuas go hard
Is feasta fós ar talamh,
d'fheara, dea-mhéin síocháin

dudara

Oiche ciúin, gan dabht, amhrán álainn atá ann

rosa

Tháinig mo dhearthair óg abhaile ón scoil ag canadh ' Rudolph, an fhia rua'
Cheap mé go raibh sé go deas.......

GuanYin

An Chéad Nollaig Mhór

An Chéad Nollaig Mhór, bhí cor aingeal Dé
Sa spéir go ceolmhar a fogairt dea-scéil
Mbun cúraim a dtréad, bhí aoirí na mbán
'S d'airíodar an scéala, dea-mhéinne 'gus grá
Nóel, Nóel, Nóel, Nóel
Rugadh an lá seo Rí Iosrael

Do dhearcadar i gcéin, an réalt lonnrach breá
In oirthear an spéire, gan néal gan scáth
Agus líon an saol, de ghlé-sholas óir
'S lean uirthi a soilsiú, idir oíche 'gus ló

Nóel, Nóel, Nóel, Nóel
Rugadh an lá seo Rí Iosrael

Do bhreoigh an réalt, triúir éigeas gan cháim
thíortha i gcéin, thar sliabh 'gus thar má
A d'iarraidh an Rí, bhí 'na soithe mór-chlú
'S do lean siad de shíor, an rinn réilteann iúil

Nóel, Nóel, Nóel, Nóel
Rugadh an lá seo Rí Iosrael

dtraynor

Tá brón orm ach.... "Driving Home for Christmas"

simu

Ag tiomáint abhaile don Nollaig?

Yoda

A Oíche naomh aistriúchán le Liam Prút

A oíche naomh
Is geal sa spéir na réalta
Oíche bhreith Chríost
Thug slán sinn ón mbás
B’fhada an domhan
Fé pheaca is fé earráid
Gur tháinig Sé
Is gur ghin ionainn grá
De dhóchas ard
Tá lúcháir ar an saol bocht
Is ann atá
An mhaidin ghlórmhar bhreá
Cromaíg go humhal
Tabhair aird ar cheol na n-aingeal
A oíche Dé
A oíche bhreith ár dTiarna
A oíche Dé, a oíche Dé.

Fé threoir na Cré
ag soilsiú ina gcroíthe
Ár gcroí lán grá
i ndeas dá chliabhán
Fé threoir an réalt
ag taitneamh ins na spéartha
tháinig an triúr
an bóthar anoir
Féach Rí na Rí
’na luí go humhal sa mhainséar
Pé fad ár mbuairt
ár gcara é sa chúirt
’S eol dó ár ndíth
Ár laigíocht tá soiléir dó
Seo Rí na naomh
Ar do ghlúine ina láthair
Seo Rí na naomh, seo Rí na naomh.

Eisean a mhúin dúinn
A chéile a ghráú
Dlí Dé an grá
A shoiscéal síocháin
Briseann slabhraí
An daor, ’sé ár mbráthair
’gus faoina réim
cuirtear leatrom chun fáin
le háthas croí
gabhaimidne ceolta buíochais
de chroí iomlán
gabhaimidne buíochas Dó
’Sé Críost an Triath
tá a Ainm síor le móradh
Is ard go deo
a Ainm is a ghlóir
Is ard go deo
a Ainm is a Ghlóir.

– Aistriúchán ar “O Holy Night” (Dwight Sullivan)
d’éis “Cantique de Noël” (Adolphe Adam).

Yoda

Fadó riamh i gCathair Dháibhí aistriúchán le Liam Prút

Fadó riamh i gCathair Dháibhí
I gcró eallach mar a bhí
Chuir an Mháthair Naí sa mhainséar
Amhail i leaba ina luí
Dob í Muire an Mháthair chaoin
Dob é Íosa Críost an Naí

Tháinig Sé ó neamh ar thalamh,
an Tiarna is Dia ar gach n-aon
Ins an stábla fuair a lóistín,
b’é a chliabhán an mainséar
Le bochtáin do bhí ’na chónaí
B’é a shlánaigh sinn ón mbás.

– Aistriúchán ar “Once in Royal David’s City”

Yoda

Stoc an Aingil aistriúchán le Liam Prút

Stoc an aingil d’fhógair scéal
Glóir don Rí nua ar an saol
Síth ar talamh trócaire Dé
Dia ’s an peacach ar aon taobh
Bíodh gairdeas ar náisiúin an tsaoil
Cluineadh spéartha an chaithréim
Fógraíg’ leis na haingil scéal
Gur saolaíodh Críost i mBeitlehéim
Stoc an aingil d’fhógair scéal
Glóir don Rí nua ar an saol.

Críost a adhrann aingil Dé,
Críost is Tiarna síoraí
Más déanach féach é ar an saol,
Gin na Maighdin’ ’s an Spioraid Naoimh
Faoi chlúdach colainne tá Dia,
Féach an Diagacht ar an saol
Sásta bheith in éintíos linn,
Íosa is Éamanuel
Stoc an aingil d’fhógair scéal
Glóir don Rí nua ar an saol

Ar neamh do rugadh Síocháin Dé
Mac na córa, prionsa glé
Soilsíonn an bheatha do gach n-aon
Nuair d’éirigh leath íocshláinte uaidh
D’fhág a ghlóir uaidh i leataobh
Rugadh chun ná caillfí sinn
Rugadh chun go n-éireoimis,
Rugadh é mar athshaol dúinn
Stoc an aingil d’fhógair scéal
Glóir don Rí nua ar an saol.

– Aistriúchán ar “Hark the Herald Angels Sing”

Yoda

Trí Long mhór aistriúchán le Liam Prút

Sheol trí long mhór isteach sa chuan
Ar lá ’le Críost
Ar lá ’le Críost
Sheol trí long mhór isteach sa chuan
Ar lá ’le Críost leis an lá geal

Agus céard a bhí ag gach long ar bord
Ar lá ’le Críost
Ar lá ’le Críost
Agus céard a bhí ag gach long ar bord
Ar lá ’le Críost leis an lá geal.

An Slánaitheoir is a Mháithrín
Ar lá ’le Críost
Ar lá ’le Críost
An Slánaitheoir is a Mháithrín
Ar lá ’le Críost leis an lá geal.

Agus inis dom cár sheol siad triúr
Ar lá ’le Críost
Ar lá ’le Críost
Agus inis dom cár sheol siad triúr
Ar lá ’le Críost leis an lá geal.

Sheoladar go Bethlehem
Ar lá ’le Críost
Ar lá ’le Críost
Sheoladar go Bethlehem
Ar lá ’le Críost leis an lá geal.

Agus éist le ceol na gclog go léir
Ar lá ’le Críost
Ar lá ’le Críost
Agus éist le ceol na gclog go léir
Ar lá ’le Críost leis an lá geal.


Beidh ceol na n-aingeal ins an spéir
Ar lá ’le Críost
Ar lá ’le Críost
Beidh ceol na n-aingeal ins an spéir
Ar lá ’le Críost leis an lá geal.

Is beidh ceol ar talamh ag gach n-aon
Ar lá ’le Críost
Ar lá ’le Críost
Beidh ceol ar talamh ag gach n-aon
Ar lá ’le Críost leis an lá geal.

– Aistriúchán ar “I Saw Three Ships”

simu

Is breá liom an dán seo, leis (cé nach ngéillim don gcreideamh taobh thiar de in aon chor - nach ait an rud é sin!) Ba dheas é dá gcuirfeadh duine éigin ceol leis.


Oíche Nollag
le Máire Mhac an tSaoi


Le coinnle na n-aingeal tá an spéir amuigh breactha,
Tá fiacail an tseaca sa ghaoith ón gcnoc,
Adaigh an tine is téir chun na leapan,
Luífidh Mac Dé ins an tigh seo anocht.

Fágaidh an doras ar leathadh ina coinne,
An mhaighdean a thiocfaidh is a naí ar a hucht,
Deonaigh do shuaimhneas a ligint, a Mhuire,
Luíodh Mac Dé ins an tigh seo anocht.

Bhí soilse ar lasadh i dtigh sin na haíochta,
Cóiriú gan caoile, bia agus deoch,
Do cheannaithe olla, do cheannaithe síoda,
Ach luífidh Mac Dé ins an tigh seo anocht.

An Fear Aniar

simu wrote:

Is breá liom an dán seo, leis (cé nach ngéillim don gcreideamh taobh thiar de in aon chor - nach ait an rud é sin!) Ba dheas é dá gcuirfeadh duine éigin ceol leis.

Is deas an dán sin, cinnte.

is_that_so

Don oiche ud i mbeithil an ceann is fearr liom

snickerpuss

Tá daidí na Nollaig ag teacht!
Tá brón orm ach bhí sin an t-amhrán go brea liom sa bunscoil.