Iomáint

Tulyar

Nach iontach an cluiche iomána abhí againn inné i bPáirc an Chrócaigh nuair a thug muintir an Chláir agus muintir Chorcaí aghaidh ar a chéile.

Bhí crógacht, usaileacht, fearúlacht, diongbháilteacht, laochas, dochloíteacht, macánacht, ard chaighdeán imeartha, scileanna dochreidte, fuinneamh osnádúrtha na nimreoirí, ádh agus mí ádh le fáil. Gan rian den tciniciúileacht le feiceáil.

A leithéid de choimhlint nirt is aicillíochta. Gaiscígh an dá thaobh ag sciobadh na liathróide óna chéile agus á tabhairt ar bhois chamáin fiche nó tríocha slat leo ar aghaidh agus á cur caol díreach thar an trasnán nó isteach sa líontán. Davy agus Jimmy ag gríosadh na nimreoirí chun breis fuinnimh is nirt a chur san imirt. Mar a dúirt Ger Loughnane ar an teilifís aréir "lá dár saol abhí ann"

Tá ardmholadh tuilte ag na Clárínigh agus ag na Corcaígh as an sár thaispéantas a thugadar dúinn.

Fathach fir ab ea gach duine abhí ar an bpáirc imeartha inné.

Grudaire

Ba chluiche iontach é. Bhí an aclaiocht agus iarracht a chur gach uile imreoir isteach sásúil chun breathnú ar.

An gceapann tú go mbeidh Corcaigh nios fearr i gceann trí seachtaine?

Agus

Cliste wrote: »

Ba chluiche iontach é. Bhí an aclaiocht agus iarracht a chur gach uile imreoir isteach sásúil chun breathnú ar.

An gceapann tú go mbeidh Corcaigh nios fearr i gceann trí seachtaine?

Is dóigh liom go mbeidh. Táim ag tnúth go mór leis an athimirt, ach n'fheadar an mbeidh sí chomh maith leis an gcoimhlint a bhí againn Dé Domhnaigh. Gan amhras ba dheacair cluiche mar sin a shárú!

Grudaire

Aontaím faoi sin! Is iontach an rud é chluiche atá cothram. Bíonn gach soiceand tábhachtach.. go háirithe arú inné!

Tulyar

Déinim amach go mbeidh Corcaigh i bhfad Éireann níos fearr an babhta seo.

Bhi na Corcaígh ag súil go núsaidfeadh an Clár "sweeper" - mar ba ghnách leo a dhéanamh - ach bhi an réamhobair déanta ag Davy. D'éirigh go seoigh le líne leathchúil an Chláir. Bhí an lámh in uachtar acu ar leaththosaithe Chorcaí agus d'éirigh leo ionsaí i ndiaidh ionsaithe a lansáil ón líne seo. Ni raibh na Corcaígh ag súil lena leithéid de straitéis ach beidh siad ullamh an chéad uair eile.

Eipic abhí againn ar an Domhnach seo a d'imigh tharainn. Is fada sinn faoi chomaoin ag gáiscigh an dá thaobh. Bhíomar faoi dhraíocht ag fiúntas na hiomána agus tá sé deacair a shamhlú go bhféadfadh sé tarlú faoi dhó ach é sin ráite táim ag tnúth go mór leis an athimirt.