Trian de Fhoclóir le seoladh

Míshásta

Cad sa diail atá ar siúl ag muintir http://www.focloir.ie/ga/? - táid chun seoladh mór oifigiúil a bheith acu ar bhfiontar nach bhfui ach tosnaithe acu.

Chuas chuig a suíomh chun triail a bhaint as. Chuireas isteach 'click'. Ní raibh aon 'click' acu de réir dealraimh ach thaispeánadar

"left-click
COMP verb
TRANSITIVE cléchliceáil verb

INTRANSITIVE cléchliceáil verb"

Ambaist! Tá 'cliceáil' maith go leor, ach cad mar gheall ar 'gliogáil'? - focal atá in úsáid go forleathan ar líne agus atá ag na foclóirí eile. Ba chóir go mbeadh an dhá fhocal ann.

Níl an focal 'web' ann féin acu ach an oiread, cé go bhfuil roinnt téarmaí ann leis an focal 'web' iontu.

Ach éist anois. Chuireas isteach an focal fíor-neamh-ghnách úd "INTERNET" agus seo dhaoibh an freagra a bhfuaireas:

"Níor aimsíodh Internet

Ar litrigh tú i gceart é?"

Ha! dáiríre-píre. In ainm fhuic.

Níl ann ach jóc Éireannach, ag tabhairt armlón dóibh siud ar mhaith leo a bheith ag caitheamh anuas ar an dteanga.

Ach táim cinnte go mbeidh cóisir iontach ag Ó hUiginn agus boic mhóra na gluaiseachta ag an Seoladh. N'fheadar cé mhéid a chosnóidh sé.

:mad:

Insect Overlord

Tóg go bog é!

Bhíodar ar an Nuacht anocht. Deirtear go bhfuil tús curtha leis an suíomh, is go bhfuil timpeall 7,000 focal ann faoi láthair.
Tá sé mar sprioc acu 40,000 a cur ar fáil. Bí foigneach agus gheobhaidh tú na focail eile nuair atá an áis déanta go hiomlán.

craoltoir

Cén fáth nach féidir liom teacht ar an bhfocal atá uaim?

D’fhéadfadh sé seo tarlú de bharr nach bhfuil gach ceannfhocal atá le foilsiú le fáil fós sa leagan reatha den fhoclóir. Is éard atá cuimsithe sa leagan reatha ná na focail sin is mó a chuardaíonn úsáideoirí foclóirí, rud a chumhdaíonn 80% de na cuardaigh a mbítear ag súil leo. Tuigimid gur ábhar frustrachais é gan teacht a bheith agat ar an bhfocal atá uait agus beimid ag cur go mór le cumhdach an fhoclóra i mbliana agus ar an mbliain seo chugainn chun bearnaí mar seo a líonadh – féach Amach anseo le haghaidh tuilleadh eolais.
Más focal teicniúil é an focal atá uait, d’fhéadfá é a chuardach i mbunachar téarmaíochta Fhoras na Gaeilge, www.focal.ie. Tugtar faoi deara, áfach, gur bunachar le haghaidh téarmaí teicniúla seachas gnáthfhoclóir é seo agus ní dhéantar cúram den ghnáth-theanga ann.

http://www.focloir.ie/ga/page/faq.html#question_02

Cinnte d'fhéadfaí argóint nár cheart an suíomh a sheoladh go dtí go mbeadh an obair ar fad críochnaithe ach tiocfaidh feabhas air de réir a chéile.

Paz-CCFC

An bhfuil tú míshásta? :P

Míshásta

Paz-CCFC wrote: »

An bhfuil tú míshásta? :P

.......mar is dual dom. Míshásta, cantalach, ciotrúnta. Réidh chun argóna i gcónaí. Fear na gloine leath-fhoilmhe.

Is eagal liom go mbeidh me sínte 6 troigh fén bhfód is mo chuid feola á alpadh ag na péisteanna sara mbeidh an foclóir úd leath-chríocnaithe.

Ach 'sé an rud is mó atá ag dó na geirbe dom nach bhfuaireas curadh go dtí an mórsheoladh. :mad: