Ag Foghlaim Ghaeilge na hAlban

Paz-CCFC

Bhí sé ar intinn agam Gaeilge na hAlban a foghlaim le tamall anois. Agus mé saor don samhradh, bheartaigh mé cúpla focal a bhfoghlaim.

Chonaic mé ionad foghlamtha ar suíomh idirlín BBC. Chuas díreach isteach go dtí dhá scrúdú ar rudaí an-bhunúsacha. Bunaithe ar mo Ghaeilge (agus píosa beag do m'Fhraincí, creid nó ná creid!), fuaireas 10/10 agus 8/10. Anois, nílim ag rá go bhfuilim líofa tar éis an dá thoradh seo, ach cabhróidh sé go mór í a fhoghlaim, de bharr go bhfuil Gaeilge agam. Tá difríochtaí cuíosach móra idir an litríocht, ach fós, is féidir leat oibriú amach cad atá á rá acu.

Tá an difríocht sa chaint níos bige, i mo thuairimse. Féach/éist leis an nasc seo. Ná déan caimiléireacht le féachaint ar an tras-scríobh Béarla! Éist leis gan aon chabhair, agus is dócha go mbeidh tú in ann é a thuiscint.

Mar is eol dom, tá Gaeilge na hAlban cóngarach go dtí gnáth-Ghaeilge Uladh. Níl aon ionadh, mar sin, go gcloiseann an bheirt sa cluasthuiscint thuas cosúil le beirt ón Tuaisceart! Éinne a bhfuil an Teastas Sóisearach nó an Ardteist idir láimhe acu nach gcloiseann siad cosúil le beirt a bhíonn ar na cluasthuiscintí le haghaidh na scrúduithe?

An bhfuil aon duine anseo a bhfuil Gaeilge na hAlban aige nó a bhfuil sé ar intinn acu í a foghlaim?

mr chips

Rinne mise dianchúrsa gairid ar Oilean Íle trí nó ceithre bhliain ó shin, ag iarraidh Gaidhlig a fhoghlaim trí mheán na Gaeilge! Bhí sé fíor-shuimiúil agus sultmhar, ach caithfidh mé admháil go bhfuil formhór an méid a d'fhoghlaim mé dearmadta agam anois. Tá mise lonnaithe i dTuaisceart Aontroma agus chruthaigh muid nasc anseo idir ghaeilgeoirí óga Bhaile an Chaistil agus daoine óga labhartha Gaidhlig ar Íle - ghlac muid grúpa beag ansin anuraidh ar thuras dheireadh seachtaine. Tá muid ag déanamh iarrachta grúpa a ghlacadh trasna go B an C anois, ach tá sé fíor-dhoiligh a leithéid a eagrú ón taobh seo, airgead a aimsiú dá leithéid srl.
Má bhíonn teilifís dhigiteach nó Sky agat, beidh tú in ann amharc ar chláracha sa Ghaidhlig ar BBC Alba (Sky 168 anseo) - bíonn cláracha ann do bhunfhoghlaimeoirí chomh maith. Is breá liom é nuair a bhíonn clár faisnéise nó mar sin á chraoladh acu, sa dóigh gur féidir liom cosúlachtaí agus codarsnachtaí idir an dá chanúint a aimsiú.

Paz-CCFC

mr chips wrote: »

Rinne mise dianchúrsa gairid ar Oilean Íle trí nó ceithre bhliain ó shin, ag iarraidh Gaidhlig a fhoghlaim trí mheán na Gaeilge! Bhí sé fíor-shuimiúil agus sultmhar, ach caithfidh mé admháil go bhfuil formhór an méid a d'fhoghlaim mé dearmadta agam anois. Tá mise lonnaithe i dTuaisceart Aontroma agus chruthaigh muid nasc anseo idir ghaeilgeoirí óga Bhaile an Chaistil agus daoine óga labhartha Gaidhlig ar Íle - ghlac muid grúpa beag ansin anuraidh ar thuras dheireadh seachtaine. Tá muid ag déanamh iarrachta grúpa a ghlacadh trasna go B an C anois, ach tá sé fíor-dhoiligh a leithéid a eagrú ón taobh seo, airgead a aimsiú dá leithéid srl.

Sin an-suimiúil. An Gaeilge na hAlban príomhtheanga an oileáin?

I ndáiríe, is dócha go bhfuil sí fós agat, ach i gcúl d'intinne.

An bhfuil Gaeilge Uladh agatsa, nó an Ghaeilge Chaighdeánach?

Má bhíonn teilifís dhigiteach nó Sky agat, beidh tú in ann amharc ar chláracha sa Ghaidhlig ar BBC Alba (Sky 168 anseo) - bíonn cláracha ann do bhunfhoghlaimeoirí chomh maith. Is breá liom é nuair a bhíonn clár faisnéise nó mar sin á chraoladh acu, sa dóigh gur féidir liom cosúlachtaí agus codarsnachtaí idir an dá chanúint a aimsiú.

Faraor, níl BBC Alba againn sa Phoblacht. Níl ach BBC 1, BBC 2 agus BBC HD (má tá an pacáiste HD agat, gan dabht). Nuair a fuaireamar Sky ar dtús, ní raibh clár na hÉireann againn (RTÉ, TG4 irl), ach bhí na cinn Shasana - is dócha gur cheap an bosca Sky gur i Sasana a bhí sé! Fuaireamar leathan mór do chláir nach bhfaighimis, de gnáth. BBC Alba san áireamh. Áfach, nuair a fuaireamar RTÉ agus a leithéad, fuarthas réidh leis, agus Raidió na h-Alba, freisin.

Is mór an trua, mar thugas sráchfhéachaint/srachchloisint orthu cúpla uair, agus bhaineas taitneamh as.

mr chips

Tá an Ghaeilge is fearr agamsa, sin Gaeilge Uladh! Bhí deis agam an teanga a chleachtadh i lár na hAlban cúpla bliain ó shin, agus ar Oilean Sgiathanach anuraidh. Ach i ndeireadh na dála ní dhearna mé ach cúrsa seachtaine!

Is Béarlóirí iad formhór an daonra ar Íle, ach tá pobal labhartha Gaidhlige ann go fóill - neart cainteoirí dúchasacha ina measc, ach ar an drochuair níl an teanga chomh coitianta i mbéal na glúine úire.

Sílim gur féidir BBC Alba a chomhghléasadh ar bhosca Sky, fiú ó dheas - bheadh sé faoi "Other Channels" nó mar sin. Déanfaidh mé cuardach gasta leis na sonraí a fháil, sílim go bhfaca mé iad tamall ó shin.

Ms.M

Rinne mé cúrsa ar ollscoill le téarma, ag foghlaim tríd an nGaeilge. D'úsáideamar "Learn Scottish in 6 months" más cuimhin liom i gceart. Bhí stair suimiúil ag baint leis an teanga ach ní cuimhin focal anois. Ní raibh sé deacair ar aon chaoi. Bainfidh tú sult as!

Insect Overlord

Tá suíomh ann cosúil le Bords ar a labhraítear Gaidhlig an t-am ar fad.

http://www.foramnagaidhlig.net/

Tá mo fhóramsa féin bunaithe ar an stíl atá acu.

Tá foclór le fáil anseo chomh maith:

Bard wrote: »

Gaelic-English dictionary
3.49Mb DOC file - Comprehensive (141 page) English-Irish & Irish-English dictionary in Microsoft Word Format.
http://www.smo.uhi.ac.uk/gaidhlig/wentworth/faclair/dualchainnt/clar-gaidhlig.doc

Paz-CCFC

mr chips wrote: »

Tá an Ghaeilge is fearr agamsa, sin Gaeilge Uladh!

Bhuel, an dara Gaeilge is fearr - tá Gaeilge na Mumhan/Chorcaí níos fearr! :P

Cé chomh mhór is a cheapann tú atá an gaol idir Gaeilge Uladh agus Gaeilge na hAlban?

Bhí deis agam an teanga a chleachtadh i lár na hAlban cúpla bliain ó shin, agus ar Oilean Sgiathanach anuraidh. Ach i ndeireadh na dála ní dhearna mé ach cúrsa seachtaine!

Is Béarlóirí iad formhór an daonra ar Íle, ach tá pobal labhartha Gaidhlige ann go fóill - neart cainteoirí dúchasacha ina measc, ach ar an drochuair níl an teanga chomh coitianta i mbéal na glúine úire.

An bhfuil na deiseanna céanna aici mar atá ag an nGaeilge anseo? Stádas dlithiúil, ins na scoileanna, sa seirbhís poiblí irl? Tá 'fhios agam alright go bhfuil sí mar theanga leath-oifigiúil don Aontas Eorpa.

Bhíos ag labhairt le mo chol ceathair inné faoi chumas Ghaeilge na hAlban. Tá cuma i bhfad níos "glaine" aici ná an Ghaeilge Chaighdeánach. Tá ár nGaeilge choiteann i bhfad níos liteartha agus díreach ná na canúintí éagsúla. Ní dóigh liom gur deineadh aon rud do Ghaeilge na hAlban cosúil le hathrú Ghaeilge na hÉireann leath céad bliana ó shin, ar deineadh?

Sílim gur féidir BBC Alba a chomhghléasadh ar bhosca Sky, fiú ó dheas - bheadh sé faoi "Other Channels" nó mar sin. Déanfaidh mé cuardach gasta leis na sonraí a fháil, sílim go bhfaca mé iad tamall ó shin.

Fuaireas é, alright. Chuas isteach go dtí "Add Channels" agus chuireas isteach seo a leanas:

Frequency (GHz): 10.817
Polarisation: V
Symbol Rate (Mbaud): 22.0
FEC: 5/6

Táim ag féachaint ar cluiche peile, anois - Corn Sóisearach na hAlba, de réir dealramh. Cheapas gur chluiche Sraith na hAlban é, mar tá na mílte sa staid!

De réir dealramh, taispeánann BBC Alba níos mó spórt Albanach ná haon clár eile. Sin go hiontach, domsa, mar is aoibhinn liom spórt!

Áfach, ní féidir feiscint ach atá á chraoladh i láthair na huaire - ní féidir leat féachaint ar aghaidh go dtí níos déanaí nó amárach mar an ngnáth Sky. Ar a laghad, tá sé ag obair.

Ms.M wrote: »

Rinne mé cúrsa ar ollscoill le téarma, ag foghlaim tríd an nGaeilge. D'úsáideamar "Learn Scottish in 6 months" más cuimhin liom i gceart. Bhí stair suimiúil ag baint leis an teanga ach ní cuimhin focal anois. Ní raibh sé deacair ar aon chaoi. Bainfidh tú sult as!

Bhuel, is aoibhinn liom teangacha difriúla, go mór mór na mion-teangacha. Cinn eile atá ar intinn agam a bhfoghlaim ná Gaeilge Mhanann agus Breatnais, mo chuid Fhraincise a ath-fhoghlaim agus b'fhéidir Briotáinnis, freisin. Ach féachfaidh mé conas a eireoidh Gaeilge na hAlban, ar dtús.

Insect Overlord wrote: »

Tá suíomh ann cosúil le Bords ar a labhraítear Gaidhlig an t-am ar fad.

http://www.foramnagaidhlig.net/

Tá mo fhóramsa féin bunaithe ar an stíl atá acu.

Tá foclór le fáil anseo chomh maith:

Gura míle. D'íoslódaíos an foclóir ansin agus thugas srachfhéachaint air. An-shuimiúil ar fad.

mr chips

Paz-CCFC wrote: »

Cé chomh mhór is a cheapann tú atá an gaol idir Gaeilge Uladh agus Gaeilge na hAlban?

Tchímse féin gur teanga amháin atá ann - níl ann ach go bhfuil canúintí éagsúla Ghaeilge ar oileán Éireann, oileán Mhannan agus fríd Alba. Thiocfadh a rá a bheag nó a mhór go bhfuil sraith éabhlóide teanga/canúna a leanann an turas ón Déise fríd Corcaigh, Ciarraí, Gaillimh, Dún na nGall, Aontroim Thuaidh, Reachraí, Íle, Diúra ....


An bhfuil na deiseanna céanna aici mar atá ag an nGaeilge anseo? Stádas dlithiúil, ins na scoileanna, sa seirbhís poiblí irl? Tá 'fhios agam alright go bhfuil sí mar theanga leath-oifigiúil don Aontas Eorpa.

Go stairiúil, bhí níos mó tacaíocht ar fáil do Ghaeilge na hAlbain ná mar a bhí ag an Ghaeilge i dTuaisceart Éireann, agus tá sé sin amhlaidh go fóill. Tá tacaíocht ann di ag leibhéal na pairliminte agus déantar an-iarracht riachtanais na gaelscoileanna a chomhlíonadh. Agus é sin ráite, sílim féin go bhfuil an teanga féin faoin phobal níos láidre i dTÉ anois - m.sh., tá pobal láidir labhartha Gaeilge i mBéal Feirste, i nDoire, agus in áiteacha níos lú cosúil le Machaire Fíolta nó Oileán na gCúl nó Baile an Chaistil, ina bhfuil pobal láidir labhartha Gaeilge "i bhfolach".

Bhíos ag labhairt le mo chol ceathair inné faoi chumas Ghaeilge na hAlban. Tá cuma i bhfad níos "glaine" aici ná an Ghaeilge Chaighdeánach. Tá ár nGaeilge choiteann i bhfad níos liteartha agus díreach ná na canúintí éagsúla. Ní dóigh liom gur deineadh aon rud do Ghaeilge na hAlban cosúil le hathrú Ghaeilge na hÉireann leath céad bliana ó shin, ar deineadh?

Leis an fhírinne a dhéanamh, níl mé eolach go leor leis an cheist seo a fhreagairt!

Fuaireas é, alright. Chuas isteach go dtí "Add Channels" agus chuireas isteach seo a leanas:

Frequency (GHz): 10.817
Polarisation: V
Symbol Rate (Mbaud): 22.0
FEC: 5/6

Táim ag féachaint ar cluiche peile, anois - Corn Sóisearach na hAlba, de réir dealramh. Cheapas gur chluiche Sraith na hAlban é, mar tá na mílte sa staid!

De réir dealramh, taispeánann BBC Alba níos mó spórt Albanach ná haon clár eile. Sin go hiontach, domsa, mar is aoibhinn liom spórt!

Gheobhaidh tú cluichí rugbaí an Rabo Pro12 ar an stáisiúin sin chomh maith, nuair a bhíonn Mumhain/Connacht/Laighean/Ulaidh nó foireann ar bith eile sa chomórtas ag imirt i nGlascú nó i nDún Éidin. Ní dhéanann siad achan uile chluiche a chraoladh, ach is minic a bhíonn siad ar fáil - baineann TG4/RTÉ úsáid as an "feed" dá gcraoladh féin. Coinnigh súil ar http://www.rabodirectpro12.com/matchcentre/fixtures_list.php agus beidh sé uasdátaithe don séasúr nua.

Áfach, ní féidir feiscint ach atá á chraoladh i láthair na huaire - ní féidir leat féachaint ar aghaidh go dtí níos déanaí nó amárach mar an ngnáth Sky. Ar a laghad, tá sé ag obair.

http://www.bbc.co.uk/alba/

Bhuel, is aoibhinn liom teangacha difriúla, go mór mór na mion-teangacha. Cinn eile atá ar intinn agam a bhfoghlaim ná Gaeilge Mhanann agus Breatnais, mo chuid Fhraincise a ath-fhoghlaim agus b'fhéidir Briotáinnis, freisin. Ach féachfaidh mé conas a eireoidh Gaeilge na hAlban, ar dtús.

Bhuail mise le fear labhartha Manannais cúpla nó trí bliana ó shin, cha robh (ní raibh) sé ró-dheacair a thuiscint. Tharla sé seo tamall beag i ndiaidh dom dianchúrsa sa Ghaidhlig a dhéanamh, áfach!

Tá súil agam go mbeidh an t-eolas sin úsáideach duit! :cool:

Paz-CCFC

mr chips wrote: »

Tá súil agam go mbeidh an t-eolas sin úsáideach duit! :cool:

Gura míle!

Rud a luaigh tú i do líne deireanach - "cha" in ionad "ní" - is rud beag é sin lena bhfuil deacrachtaí agam. Gach uair a chloisimse é, is ea "cá" a thagann chugaim! Tá "chan eil" in ionad "níl" go breá, mar tá "níl" le cloiseadh laistigh de sa chaint, ach tá an ceann eile níos deacra. Dhera, mar gach rud, is dócha go dtiocfaidh sé chugaim le taithí.

mr chips

Tá "cha" coitianta i nGaeilge Uladh - Dún na nGall, iar-chanúintí Aontroim Thuaidh & Ghlinntí Aontroma, chomh maith le Gaeilge/Gaidhlig na hAlban.

Enkidu

Síolraigh an dá fhocal "Ní" agus "Chan" ón bhfocal "Níchon", focal Sean-Ghaeilge 'sea é.

Paz-CCFC

Enkidu wrote: »

Síolraigh an dá fhocal "Ní" agus "Chan" ón bhfocal "Níchon", focal Sean-Ghaeilge 'sea é.

Nár tháinig sé ón fhocal "Nícha" sa Mheán-Ghaeilge?

Seán MacSuibhne

Tá seans agat Gaidhlig a cloisint ag an deireadh seachtaine seo i mBAC.
Níos mó eolais ag
http://FeisNanGael.com
Idir ceolteoirí amhránaithe agus ceadlann Amhránaíochta agus Ciorcal comhrá sa Ghaidhlig

Beidh Liam Crouse ag an ionad Buail Isteach Aoine 23 ag 13:00 ag caint linn agus ag ceol dúinn! http://ionad.org

Seán

Seannew1

Caithfidh mé Gaeilge na hAlban a staidéar san ollscoil ach ní bhaineann mé sult as ar scor ar bith.Ní fheicim an gá mar táim ag iarraidh mo Ghaeilge a fheabhsú.Má tá éinne ag lorg leabhar Gaeilge na hAlban a cheannach,tá "Teach yourself Gaelic" agam ach tá an leabhar uafásach.

Paz-CCFC

Seán MacSuibhne wrote: »

Tá seans agat Gaidhlig a cloisint ag an deireadh seachtaine seo i mBAC.
Níos mó eolais ag
http://FeisNanGael.com
Idir ceolteoirí amhránaithe agus ceadlann Amhránaíochta agus Ciorcal comhrá sa Ghaidhlig

Beidh Liam Crouse ag an ionad Buail Isteach Aoine 23 ag 13:00 ag caint linn agus ag ceol dúinn! http://ionad.org

Seán

Gura míle a Sheáin. Áfach, ní rabhas i mBaile Átha Cliath le haghaidh an deirdeadh seachtaine!

Seannew1 wrote: »

Caithfidh mé Gaeilge na hAlban a staidéar san ollscoil ach ní bhaineann mé sult as ar scor ar bith.Ní fheicim an gá mar táim ag iarraidh mo Ghaeilge a fheabhsú.Má tá éinne ag lorg leabhar Gaeilge na hAlban a cheannach,tá "Teach yourself Gaelic" agam ach tá an leabhar uafásach.

Cén cúrsa a bhfuil á staidéar agat, muna mhiste leat rá liom?

An é an fáth nach bhfuil tú ag baint taitnimh aisti ná go bhfuil iallach ort í
a dhéanamh in ionad í a dhéanamh as do stuaim féin?

Seannew1

Paz-CCFC wrote: »

Cén cúrsa a bhfuil á staidéar agat, muna mhiste leat rá liom?

An é an fáth nach bhfuil tú ag baint taitnimh aisti ná go bhfuil iallach ort í
a dhéanamh in ionad í a dhéanamh as do stuaim féin?

"Gaeilge" mar BA.Caithfidh gach mac léinn Gaeilge na hAlban a dhéanamh,ní fhaigheann tú rogha ar bith. Mar sin,mothaíonn go leor mic léinn gur cur amú ama í Gaeilge na hAlban mar go mbíonn níos mó béime ar theanga nua a fhoghlaim sa chúrsa agus nach mbíonn níos mó ama ar Ghaeilge na hÉireann!

Paz-CCFC

Seannew1 wrote: »

"Gaeilge" mar BA.Caithfidh gach mac léinn Gaeilge na hAlban a dhéanamh,ní fhaigheann tú rogha ar bith. Mar sin,mothaíonn go leor mic léinn gur cur amú ama í Gaeilge na hAlban mar go mbíonn níos mó béime ar theanga nua a fhoghlaim sa chúrsa agus nach mbíonn níos mó ama ar Ghaeilge na hÉireann!

B'aoibhinn liomsa dá mbeadh Gàidhlig mar rogha againn. Is teanga an-suimiúil í.

Seannew1

Paz-CCFC wrote: »

B'aoibhinn liomsa dá mbeadh Gàidhlig mar rogha againn. Is teanga an-suimiúil í.

B'fhéidir gur teanga shuimiúil í ach is teanga dheacair í ar scor ar bith freisin!

byhookorbycrook

Seans an-mhaith go mbeidh cúrsa i gCeatharlach san fhomhar.

Paz-CCFC

Seannew1 wrote: »

B'fhéidir gur teanga shuimiúil í ach is teanga dheacair í ar scor ar bith freisin!

Is dearfach mór é go bhfuil Gaeilge agat. Is bonn maith é le hagaidh múineadh na teangan.

Oaklilly

Beidh tú in ann í a phiocadh suas ró-éasca mar tá Gaeilge cheana ad - is cuma cén canúint a labhraíonns tú cé nach bhfuil Gaeilge Uladh ad ní thógfaidh sé mórán achair le cumas labharta a bhaint amach.

Go n-éirí an t-ádh leat a chomrádaí

Paz-CCFC

Craolfar Brechin City v Rangers beo ar BBC Alba inniu ag a trí. Tá sé go hiontach go bhféadfaí foireann chomh mhór le Rangers a chraoladh.Táim ag tnúth leis