Nua anseo

seriouslysweet

Dia dhaoibh,
Táim nua anseo, tá brón orm faoi na botúin. Bhog mé anseo, Gaillimh, ag an deireadh seachtaine. Rugadh mé in Éirinn ach ar feadh cúig déag bliain seachas na laethanta saoire bhí mé thar lear le mo thuismitheoirí. Ní raibh aon oideachas foirméalta agam agus anois tá imní orm faoi chuile rud. Tá mé ag iarraidh m'Ardteist a dhéanamh i 2012 ach chuala mé nach bhfuil orm Gaeilge a dhéanamh. ACH tá mé ag iarraidh, tá ceithre teanga agam ó mo thuismitheoirí agus tá mé ag iarraidh iad ar fad a dhéanamh san Ardteist. An féidir liom? An bhfuil sé thar a bheith deacair? Tá mé beagnach tinn chuile lá ag smaoineamh faoin scoil, tá a fhios agam go bhfuil muid difriúil mar chlann, an bhfuil aon scoil difriuil anseo i nGaillimh? Go raibh míle maith agaibh. Cróna

dambarude

Is féidir leat chuile theanga a dhéanamh má theastaíonn uait! Ní bheadh aon fhadhb agat le ceithre theanga. Agus má tá an post sin scríofa agat féin ní dóigh liom go mbeadh aon fhadhb agat ag déanamh Gaeilge don Ardteist. Níl uait ach scoil/múinteoir agus neart oibre. Go n-éirí go geal leat!

seriouslysweet

Yep scríobhaim féin é sin, bhí mo Mham i gcónaí ag canadh agus ag caint linn i nGaeilge, ní theanga deacair í ach bhi mé cinéalín buartha faoin scríofa. Feicimid...

dambarude

Bhuel is cosúil domsa go bhfuil do chuid Gaeilge níos fearr ná roinnt a chaitheann trí bliana déag á staidear. Má dhéanann tú do chuid staidéir beidh leat.

Krusader

Tá do chuid Ghaeilge níos fearr ná a lán déagóirí eile in Éirinn, a SS.
agus tá do scríbhneoireacht go breá chomh maith

gaeilgegrinds1

Rinne Mam an-jab mar sin agus ní múinteoir ar bith í! Phew!

craoltoir

Tu as de la chance avec quatre langues!

Du hast gluck gehabt mit vier Sprachen!

Tá an t-ádh leat go bhfuil oiread sin teangacha agat!

Poll Dubh

Le Gaeilge iontach mar sin agat ba chóir duit bheith i nGaelcholáiste. Seo iad na cinn i nGaillimh

seriouslysweet

Cén buntáiste atá leo? Ní thuigim an córas seo mar bhog mé anseo cúpla lá ó shin. Bhí mé ag taisteal an domhain le mo chlann go dtí seo ach anois caithfidh mé scrúdaithe a dhéanamh, bummer!

dambarude

Is féidir níos mó marcanna a fháil má dhéanann tú an Ardteist trí Ghaeilge, ach ní dhéanann sé mórán difríochta má tá tú ag iarraidh grád ard a bhaint amach.

Poll Dubh

Más duine difriúil thú, beidh tú níos fearr as má tá tú i scoil ina bhfuil gach duine difriúil ón ngnáth, áit a bhfuil meas ar an gcúltur Gaelach agus an teanga.