Greann

Grudaire

Ceapaim gur ceart sticky a tosú le greann as Gaeilge... Cad a ceapann sibh?

bhí an iomarca t-am agam inniu: (ó xkcd.com)


An saol:


(mar is pi + C an freagra (Dar leis ar aon nós!))


(Bhí an iomarca daoine san am atá thart!)

Agus ó Cyinide agus Happiness:

Múinteoir

Cén feidhmchlár a d'úsáid tú ansin? Gimp?

Grudaire

Múinteoir wrote: »

Cén feidhmchlár a d'úsáid tú ansin? Gimp?

Gnáth Péint... D'áistrigh mé na focail, sin an méid

Stollaire

Molaim d'aistriúcháin.

Agus ós ag labhairt faoi ghreann atá muid, tá CU Burn ar TG4 anois.
An clár grinn is fearr a tháinig as Éirinn ariamh, gan aon agó.
Agus dá mbeadh sé as Béarla bheadh na boxsets go léir ag gach uile mhac mháthair um Nollaig mar bhronntanas.

Stollaire

Faigheann an Irish Times an duais as seo thíos:

http://gaelport.com/index.php?page=clippings&id=4485&viewby=date

Múinteoir

Ceann maith a chuala mé uair amháin:

Cén t-ainm a thabharfá ar striapach Gaelach-Pholannach?

"Luigh síos a bhitch!"

Múinteoir

Stollaire wrote: »

Faigheann an Irish Times an duais as seo thíos:

http://gaelport.com/index.php?page=clippings&id=4485&viewby=date

GOA Nach amadáin chearta iad lucht an Bhéarla!

Grudaire

Stollaire wrote: »

Faigheann an Irish Times an duais as seo thíos:

http://gaelport.com/index.php?page=clippings&id=4485&viewby=date

Ní thuigim, an bhfuil sé ag magadh?

Tháinaigh mé ar cúpla cartún agus rudaí greannmhar eile:

http://www.greannmhar.com/



agus freisin

http://www.cartuin.net/

Stollaire

Ní thuigim, an bhfuil sé ag magadh?

An dtuigeann tú an chaoi a n-oibríonn ainmneacha pearsanta sa nGaeltacht?

Máirtín is ainm dó, Tom is ainm pearsanta dá athair agus Seáinín is ainm dá sheanathair, Mac Donnchadha is ea a shloinne.
Máirtín Tom Sheáinín Mac Donnchadha.

Níl ciall nó réasún le "Mr Sheáinín", seachas go bhfuil sé greannmhar

Stollaire

http://www.smo.uhi.ac.uk/sengoidelc/donncha/triar_manach/ga/

an greann is sine (Meánaois) as Gaeilge :


-Triúr manach a thug diúltú don saol.

-Téann siad sa fhásach chun aithrí a dhéanamh ina gcuid peacaí roimh Dhia.

-Bhí siad gan labhairt lena chéile go ceann bliana.

-Ansin dúirt fear díobh le fear eile bliain amháin ina dhiaidh sin, “Táimid go maith,” ar seisean.

-Mar sin go ceann bliana.

-“Is maith go deimhin,” arsa an dara fear.

-Bhí siad ann ina dhiaidh sin go ceann bliana.

-“Dar m'aibíd,” arsa an treas fear, “mura ligeann sibh ciúnas dom fágfaidh mé an fásach uile dóibh!”

Poll Dubh

Tá sé sin an-chosúil le ceann a chuala mé le gairid! Ach mo léan ní féidir liom an chaoi ina théann sé a chuimhneamh díreach anois.

Stollaire

Cuir find chuck norris isteach i nGoogle agus ansin brúigh Tá an tÁdh Orm Inniu!

Múinteoir

Stollaire wrote: »

Cuir find chuck norris isteach i nGoogle agus ansin brúigh Tá an tÁdh Orm Inniu!

Ó a dhuine, tá an ceann sin chomh sean leis an díle!

"Ní théann tusa ar thóir Chuck Norris, téann Chuck Norris ar do thóir-se!"

Poll Dubh

Stollaire wrote: »

Cuir find chuck norris isteach i nGoogle agus ansin brúigh Tá an tÁdh Orm Inniu!

:D:D B'fhéidir go bhfuil sé chomh sean leis an díle ach ní fhaca mé féin é cheana. Buaicphointe mo lae.

Tulyar

Litir ó sheanchailín a seoladh chuig an mBord Soláthair an Leictreachais:

"Iarraim agus achainím oraibh fear a chur chugam láithreach. Bhí orm dul i muinín na coinnle arís aréir".

Tulyar

Tá rún ag bean Shasanach tigh tuaithe a cheannach áit éigint in Iarthar Chiarraí. Taispeánann an t-úinéir - seanfheirmeoir - a bhfuil tigh breá nua aige féinig thart í. Tá sí go breá sásta mar is léir di go bhfuil "possibilities" ag an áit. Ansin ritheann sé leí nach bhfaca sí an leithreas. Treoraíonn sé amach sa ngarraí thiar í go tigh beag nach bhfuil ann ach suíochán salach adhmaid agus buicéad bréan faoi.
"Ach" a deir an bhean uasal, "níl glas fiú ar an doras"
"A bhean chóir" a deir mo dhuine. "chaith mise dhá scór bliain anseo agus níor chaill mé oiread is buicéad caca amháin"


Is uasal an tasal a mhúnann go díreach.

Tulyar

Sean scéal eile.

Bhí Seán sa mbaile mór lá agus casadh cara air a bhí díreach tar éis dhá ghé a cheannach. Thug sé ceann do Sheán. Chuaigh Sean go dtí staisiún na mbus agus fuair sé amach go mbeadh air fanacht trí uair a'chloig leis an mbus abhaile. Bheartaigh sé ar dhul go dtí na pictiúir ach bhí an ghé aige. Chuimhnigh sé ar phlean. Chuir sé an ghé síos a bhríste agus isteach sa phictiúrlann leis. Leath bhealaigh tríd an scannán dúirt an cailín taobh leis lena grá geal:
"A Mhicilín, an fear seo taobh liom - tá a ghléas ag gobadh amach."
"Nach cuma, a Mháirín, nach amhlaidh ata muid uilig."
"Sea, a stór ach níl do cheannsa ag ithe mo chuid crisps."

Beir bua agus,

"Spáráil do bhean is do chapall ar eagla go mbeadh duine éigint á marcaíocht i do dhiaidh"

Agus

Tulyar wrote: »

Sean scéal eile.

Bhí Seán sa mbaile mór lá agus casadh cara air a bhí díreach tar éis dhá ghé a cheannach. Thug sé ceann do Sheán. Chuaigh Sean go dtí staisiún na mbus agus fuair sé amach go mbeadh air fanacht trí uair a'chloig leis an mbus abhaile. Bheartaigh sé ar dhul go dtí na pictiúir ach bhí an ghé aige. Chuimhnigh sé ar phlean. Chuir sé an ghé síos a bhríste agus isteach sa phictiúrlann leis. Leath bhealaigh tríd an scannán dúirt an cailín taobh leis lena grá geal:
"A Mhicilín, an fear seo taobh liom - tá a ghléas ag gobadh amach."
"Nach cuma, a Mháirín, nach amhlaidh ata muid uilig."
"Sea, a stór ach níl do cheannsa ag ithe mo chuid crisps."

Beir bua agus,

"Spáráil do bhean is do chapall ar eagla go mbeadh duine éigint á marcaíocht i do dhiaidh"

Agus

Bhí feirmeoir darbh ainm Seáinín ag obair go dian ar learg na gcnoc nuair a chonaic sé fear ag ól uisce as linn. "Stad! Stad láithreach! Tá cac san uisce sin!" ar seisean de bhéic. "I’m sorry. I’m English. I don’t understand. Can you speak English?" Agus dúiirt Seáinín "I said, use both hands when you're scooping up the water. It’s much quicker."

Asarlaí Sam

Tulyar wrote: »

Bhí Seán sa mbaile mór lá agus casadh cara air a bhí díreach tar éis dhá ghé a cheannach. Thug sé ceann do Sheán. Chuaigh Sean go dtí staisiún na mbus agus fuair sé amach go mbeadh air fanacht trí uair a'chloig leis an mbus abhaile. Bheartaigh sé ar dhul go dtí na pictiúir ach bhí an ghé aige. Chuimhnigh sé ar phlean. Chuir sé an ghé síos a bhríste agus isteach sa phictiúrlann leis. Leath bhealaigh tríd an scannán dúirt an cailín taobh leis lena grá geal:
"A Mhicilín, an fear seo taobh liom - tá a ghléas ag gobadh amach."
"Nach cuma, a Mháirín, nach amhlaidh ata muid uilig."
"Sea, a stór ach níl do cheannsa ag ithe mo chuid crisps."

GOA... Tá an t-íomháineachas ar fheabhas sa scéal seo
agus is iontach an snáth é seo a Chliste, grma. Ni raibh fhios agam faoin suíomh greannmhar.com. An-greannmhar :0)

Micilin Muc

Bhí mé ar tí snáithe nua a thosú ar scéalta grinn go dtí gur tháinig mé trasna ar an snáithe gairid seo. Caithfidh go bhfuil a thuilleadh scéalta grinn ag daoine eile amuigh ansin!

Cén cineál Gaeilge a labhraítear ar an ngealach? Gaeilge na Mumhan.

An bhfuil cinn eile agaibh?

Poll Dubh

Micilin Muc wrote: »

Cén cineál Gaeilge a labhraítear ar an ngealach? Gaeilge na Mumhan.

Ba bhreá liom níos mó scéalta grinn a fheiceáil leis, fiú má tá siad chomh pianmhar leis an gceann thuas!

Micilin Muc

Poll Dubh wrote: »

Ba bhreá liom níos mó scéalta grinn a fheiceáil leis, fiú má tá siad chomh pianmhar leis an gceann thuas!

Is breá liom iad!

pog it

Micilin Muc wrote: »

Cén cineál Gaeilge a labhraítear ar an ngealach? Gaeilge na Mumhan.

Ah, sin an t-aon cheann nach dtuigim! Agus tá seans go dtagraionn sin ar mo leitheidse?!!

Micilin Muc

pog it wrote: »

Ah, sin an t-aon cheann nach dtuigim! Agus tá seans go dtagraionn sin ar mo leitheidse?!!

Gaeilge na Moon...!