An seomra suite

Richard Cranium · 18-04-2010 10:37pm

Ó a thiarachas/ mo Dhia/ th'anam an diucs/ feck!!!:(

Táim beagnach cinnte go dteipfidh orm i roinnt de mo scrúdaithe i mí Bealtaine. Bhíos ag staidéar an t-am ar fad an tseachtain seo chaite, in ainneoin an aimsir iontach, agus ar ndóigh bhíos ag déanamh mo dhícheall roimhe sin, ach fós ní thuigim faic faoi na hábhair sin. Níl ach cúpla seachtaine fághta agam chun feabhas dochreite a dhéanamh.

Ar aghaidh linn, mar sin...

Closed ac · 16-05-2010 12:27am

Tá sé an-ciuin anseo anois.. cá bhfuil gach duine?

Grudaire · 16-05-2010 10:31am

DKZ wrote: »

Tá sé an-ciuin anseo anois.. cá bhfuil gach duine?

Bhí cóisir oll-mhór ag Gaeilgeoirí na hÉireann aréir, ach ní raibh cuaire agat... :pac:

Bíonn sé ciúin san seomra suite anois is arís is oth liom a rá

Richard Cranium · 16-05-2010 4:06pm

Oh tá daoine ar ais arís anseo. Buíochas mór le Dia. Ní bheidh mé thart le fada, mar ba cheart go mbéinn ag staidéar anois. Tá 6 scrúdaithe fós le déanamh agam, agus tá roinnt de mo cháirde críochnaithe don samhraidh.

Anois. Ní mór dom níos mó ailgéabar líneach a dhéanamh roimh an scrúdú. Tá súil agam go mbeidh níos mó gníomhaíocht anseo as seo amach.:D

Grudaire · 16-05-2010 4:34pm

Conas atá ag éirí leat san cúrsa achtúire a Risteard?

Tá mise ar taithí oibre, so níl aon staidéar le déanamh agam san oíche nó san deireadh seachtaine :P

Richard Cranium · 17-05-2010 2:29pm

Táim ag baint an-taitneamh as, caithfidh mé a rá. Cheap mé go raibh an bliain an-deachair ar fad ach bhí sé suimiúil agus bhaineas taitneamh as. Roghnóinn an chúrsa arís gan amhras dá mbéinn sa séú bhliain arís.

Táim i lár na scrúdaithe anois. Is dóigh liom (agus tá súil agam) gur éirigh ceart go leor liom sna scrúdaithe a rinne me cheana. Tá roinnt ábhair olc fós le déanamh agam. Táim dóchasach go mbeidh mé in ann marcanna maithe a bhaint astu áfach.

Cé go mbíonn scrúdaithe go holc nílim ag tnúth go mór le tús an samhraidh. Braithfidh mé uaim an ollscoil!

Richard Cranium · 31-05-2010 9:47pm

... agus anois, táim abhaile arís:D

Grudaire · 01-06-2010 12:06am

Conas atá Domhain an líomóid anois!?

Maith chun cloisteáil go bhfuil tú ag baint sult as an cúrsa, agus tá súil agam gur n-éirí go breá leat

snubbleste · 03-06-2010 4:44pm

Bhíos istigh i siopa Lidl níos tuisce is bhí ceann de na billeog ag margaíocht earraí a bheadeas le fáil ar phraghas speisealta ar fud an tsamhradh. Bhí sé i ngaeilge amháin.
Ceapaim go bhfuil an billeog seo le fáil amháin i siopaí san nó gar den ghaeltacht. Níor bhfaca mé tada mar sin ariamh i Dunnes nó Tesco.

Fair plé Lidl.

Grudaire · 03-06-2010 5:16pm

Dáiríre!?

Ní creidim é!

Richard Cranium · 17-06-2010 4:12pm

Fuair mé torthaí na scrúdaithe inniú, cé gur cheart nach bhfaighimís iad go dtí amárach (FRC).

Bhí cuma mar seo - :eek: orm nuair a chonaic mé iad.
D'éirigh go maith liom i ngach ceann dóibh! Bhíos cinnte gur theip orm i gcúpla do na scrudaithe, ach ní raibh an ceart agam! Tá mé an-sásta leo.

Tá mé ar mhuin na muice anois:cool:

Grudaire · 17-06-2010 9:05pm

Fáilte chuig an Ollscoil (Níl sé ró deacair!)

Ach Shhhhshhhhhhhshhhhhh ceapainn daoine go bhfuilimid (na achtúire) cliste nó rud éigin

imbroglio · 29-06-2010 1:22pm

Hi a chairde,

An bhfuil MA sa Ghaeilge déanta ag éinne anseo? Tá agallamh iontrála agam don chúrsa MA sa Nua-Ghaeilge i UCC an tseachtain seo agus nílim cinnte cad a tharlóidh!

Stollaire · 29-06-2010 2:37pm

snubbleste wrote: »

Bhíos istigh i siopa Lidl níos tuisce is bhí ceann de na billeog ag margaíocht earraí a bheadeas le fáil ar phraghas speisealta ar fud an tsamhradh. Bhí sé i ngaeilge amháin.
Ceapaim go bhfuil an billeog seo le fáil amháin i siopaí san nó gar den ghaeltacht. Níor bhfaca mé tada mar sin ariamh i Dunnes nó Tesco.

Fair plé Lidl.

Chonac san sa Daingean i gCorca Dhuibhne, leis. Féar plé do Lidil gan amhras.

Richard Cranium · 10-08-2010 12:42am

An bhfaca éinne an alt (Béarla) seo faoi difríochtaí idir Gaeilge cathrach agus Gaeilge na nGaeltachtaí? Chonaic mé é den chéad uair ar maidin, san fhóram pholaitiúil.

Bhí sé an-shuimiúil. Is dóigh liom go bhfuil cainteoirí dúchais anseo, le i bhfad níos mó Ghaeilge (agus eolas faoin teanga) ná mise. Ba bhreá liom bhúr dtuairimí faoi seo a léamh. Ar mo pháirt, ceapaim gur seans maith go mbeidh an lámh in uachtar ag an saghas Gaeilge "nua" sa todhchaí. Ní féidir liom a rá go gceapaim gur maith an rud é sin, áfach.

Grudaire · 10-08-2010 7:11pm

B'fhearr liom Gaeilge Briste ná Béarla cliste mar a deirféar, ach is fadhb é an deacrachtaí cumarsáide atá idir Gaeilgeoirí.

Ní amháin go bhfuil an iomarca canúint ceart, tá daoine le Gaeilge nádúrtha, agus an chuid is mó dúinn ná Gaeilgeoirí le 'Gaeilge Leabhair' (Book Irish!?), nó Gaeilge Cathrach.

An fadhb ná nach úsáidtear Gaeilge neart. Tá grúpaí beag timpeall an tír ag labhairt Gaeilge leo féin, níl siad ag meascú le na Gaeilgeoirí eile san tír. Dá mbeadh Gaeilge le cloisteáil ar shráid mBaile Átha Cliath beidh cluas ag na Gaeilgeoirí Nádúrtha don Gaeilge Cathrach, mar tugann siad cúirt ar an Cathair.

Úsáid í, teanga agus mairfidh sí!

dambarude · 10-08-2010 8:05pm

Richard Cranium wrote: »

Ar mo pháirt, ceapaim gur seans maith go mbeidh an lámh in uachtar ag an saghas Gaeilge "nua" sa todhchaí.

Ní cainteoir dúchasach mise, ach faoi mar a deir scríbhneoir an ailt sin, cuireann sé isteach orm nuair a chloisim daoine ag labhairt Gaeilge gan bhlas ar bith acu. Déanaim féin mo dhícheall chun foghraíocht mhaith a bheith agam agus mé ag labhairt.

Ceapaim féin gur Gaeilge leisciúíl seachas Gaeilge 'nua' atá ann. Ní thuigim cén fáth go ndeir an teangeolaí sin gur canúint atá ann. 'Sé an rud atá ann ná botúin ghramadaí dar liomsa!

É sin ráite tá seans maith ann go nglaofar canúint ar an sort Gaeilge seo ag am éigin má mhaireann sé.

Richard Cranium · 11-08-2010 7:39pm

De ghnáth d'aontóinn leat, dambarude. Bhíos ag obair sa Ghaeltacht le déanaí áfach, le neart cainteoirí dhúchais (mise an t-aon duine amháin ann le "Gaeilge scoile," mar a déarfá). Thosaigh mé ag ceapadh tar éis tamaill nach raibh mé in ann an foghraíocht céanna a úsáid, agus gach urú agus séimhiú a chur isteach i mo chuid chaint agus gach rud eile. Rinne mé tréan-iarracht, cinnte, agus ar ndóigh bhíodar sásta le chaighdeán mo chuid Ghaeilge, ach fós bhí easpa ann.

Tuigim cad a bhí le rá agat faoi Ghaeilge leisciúil, ach anois ní dóigh liom go mbeidh mé in ann mórán a athrú. Cuireann sé sin isteach orm mar ba bhreá liom Gaeilge labhartha níos fearr a bheith agam, ach sin mar atá cúrsaí liom. Tá sé ar intinn agam leanúit ar aghaidh Gaeilge a úsáid comh fhada 's is féidir liom, agus mar sin b'fhéidir go mbeidh mé ag tabhairt tacaíocht don saghas Ghaeilge sin (cé nár mhaith liom é sin a dhéanamh!). I ndeireadh na ndála ceapaim go mhairfidh é, mar ní dóigh liom go bhfuilim i m'aonar leis an bhfadhb seo.

dambarude · 12-08-2010 12:54am

Richard Cranium wrote: »

Rinne mé tréan-iarracht,

Sin an rud is tábhachtaí. Níl mé ag rá go bhfuil fuaimniú foirfe agam, mar níl, agus is dócha nach mbeidh go deo. 'Sé an rud a chuireann isteach orm ná daoine nach ndéanann iarracht ar bith focail a fhuaimniú i gceart. Daoine a fhuaimíonn mar 'taw may egg dull guh dee on Gwwaletockt' agus nach ndéanann iarracht ar bith aon shéimhiú nó urú a fhuaimniú.

Krusader · 12-08-2010 10:31am

Ba cheart do dhaoine aidhm a ndícheall a dhéanamh nuair atá siad ag baint triail as Ghaeilge a labhairt

Richard Cranium · 15-08-2010 1:01am

Agus anois, rud éigin difriúil ar fad...

Táim ar mo laethanta saoire le mo chlann i gcathair na Gaillimhe faoi láthair, agus ceapaim go mbéimid ag tabhairt cuairt ar cheann de na hOileáin Árann i rith na seachtaine. An chuid den fíor-Ghaeltacht iadsan fós, nó an cheart go mbeadh ionadh ar bith orm má chloisim Béarla amháin ann? Beidh mo thuismitheoirí ag dul ann chun na radharcanna a fheiceáil agus gnáththurasóireacht mar sin a dhéanamh, ach tá mé ag tnúth leis an teanga a úsáid

. Ba bhrea liom an Ghaeilge a labhairt arís, seachas í a scríobh agus a léamh amháin.

dambarude · 15-08-2010 1:34am

An mbeidh tú ag dul go hInis Mór, Meáin nó Oírr?

Chaith mé féin trí sheachtaine ar Inis Meáin. Labhraíonn chuile dhuine Gaeilge ar an oileán sin, an t-am ar fad. Is dócha go bhféadfaí 'fíorghaeltacht' a ghlaoch air. Chaith mé lá amháin ar Inis Mór agus Inis Oírr. Níor chuala mé aon Ghaeilge á labhairt ar Inis Mór, bhí sé plódaithe le turasóirí. Ní dhearna mé mórán cainte le daoine aitiúla ar Inis Oírr, agus ní fhéadfainn rá an labhraítear Gaeilge ann mar gheall air sin (ach is dóigh liom go labhraítear).

Beidh muintir na n-oileán ag súil le Béarla uait, agus seans nach labhrófar mórán Gaeilge leat dá bharr.

imbroglio · 25-08-2010 1:21am

Táim gnóthach faoi láthair mar táim ag eagrú an chéad cruinniú do Chiorcal Comhrá Chluain Meala! Thug daoine ón bhfóram seo cabhair den scoth agam nuair a thosaigh mé amach agus tá bród orm anois go bhfuil ár gcéad cruinniú beagnach buailte linn anois!

(Ar ndóigh, tá fáilte roimh gach duine anseo! 28ú lá de Lúnasa @ 7i.n i gCaife Common Thread ar Shráid Pharnell i gCluain Meala!

) Seol teachtaireacht chugam má tá eolas sa bhreis uaibh!

dambarude · 25-08-2010 10:40pm

Go n-éirí leat leis sin imbroglio. Tá cónaí orm i bhfad ó Chluain Meala so ní bheidh ag dul chuig do chiorcal comhrá róluath!

Má tá Richard Cranium ag léamh, an bhféadfadh sé rá linn conas ar éirigh leis ar na hOileáin Aránn? Beidh mé ag dul go hInis Mór an deireadh seachtaine seo, agus b'aoibhinn liom fáil amach faoi aon rud suimiúil atá ann nach mbaineann le Dún Aonghasa (tá sé sin feichthe agam cheana).

Richard Cranium · 26-08-2010 12:37am

Anseo, a mhúinteoir!

D'éirigh go maith liom ar Inis Mór an tseachtain seo chaite. Ní dhearna mé aon rud as an ngnáth, áfach, ach bhaineas an-taitneamh as mo chéad cuairt go dtí an t-oileáin. Fuair mé agus mo dheartháir dhá rothar ar cíos agus do rothaíomar go nDún Aengus, agus ansin chuamar ar thuras gearr eile timpeall an t-oileáin. Is áit álainn é, gan amhras! Ba thurasóir leadránach gnáth mé, is oth liom a rá :pac:

Chuaigh mo thuismitheoirí ar cheann de na jaunting cars timpeall lár an t-oileáin. Bhíos ag ceapadh go raibh na tiománaithe (marcach?) ag roinnt eolas faoin áit agus iad ag bogadh timpeall, ach nílim cinnte. Ní raibh Dún Aengus i gceist leo ar aon nós. Ní féidir liom aon rud difriúil a mholadh, ar an drochuair.

dambarude · 26-08-2010 12:46am

Richard Cranium wrote: »

Anseo, a mhúinteoir!

Bhuel beidh mé i mo mhúinteoir sula i bhfad!

Grma as sin, táim ag súil go mór le mo thuras ann. Ach beidh sé go holc má tá sé ag cur báistí ag an deireadh seachtaine, bhí se ag cur báistí an uair dheirineach a bhí mé ann agus bhí sé sort gruamach mar gheall air sin. Grma arís.

Richard Cranium · 26-08-2010 1:02am

Tá sé sin fíor, dheineas dearmad faoin aimsir. Bhí an t-ádh liom mar bhí an grian ag taitneamh an lá ar fad, agus bhí sé beagnach ró-the freisin. Tá súil agam go mbainfidh tú taitneamh as an dturas ar aon nós.

dambarude · 26-08-2010 10:16pm

Bhuel is cosúil go mbeidh an aimsir go maith an deireadh seachtaine seo, búiochas mór le Dia!

awesom_o · 10-09-2010 10:02pm

Bhí an aimsir lofa inniu!
Bhí mé ag siopadoireacht inniu, thosaigh sé ag stealladh báistí.
Is oth liom a rá go raibh mé á gcaitheamh t-léine bán.. agus bra bándearg.

Krusader · 11-09-2010 12:00am

D'fhéadfadh sé níos measa, D'fhéadfá gan chíochbheart le caitheamh inniu.
Bhí an t-adh ort

dambarude · 11-09-2010 12:06am

awesom_o wrote: »

Bhí an aimsir lofa inniu!
Bhí mé ag siopadoireacht inniu, thosaigh sé ag stealladh báistí.
Is oth liom a rá go raibh mé á gcaitheamh t-léine bán.. agus bra bándearg.

Tá athrú mór tagtha ar an aimsir an tseachtain seo. Is mór an trua é, bhí an aimsir réasúnta maith go dtí seo.

Poll Dubh · 11-09-2010 12:08am

Lá breá ar an taobh seo tíre ach bhí mé sáinnithe isteach san oifig le riaráistí oibre le glanadh. Bhí gach rud deas éasca san oifig le naoi mí anuas ach anois, agus mo cheannasaí ar ais ó shaoire mháithreachais, tá deireadh le mo shaol bog.

Richard Cranium · 11-09-2010 11:33pm

Maidin inné, theip orm ticéadaí a fháil do cheolchoirm The National i mBaile Átha Cliath i mí na Nollag.

Táim fós ag caoineadh.:(

Oranage2 · 14-09-2010 5:33pm

Richard Cranium wrote: »

Maidin inné, theip orm ticéadaí a fháil do cheolchoirm The National i mBaile Átha Cliath i mí na Nollag.

Táim fós ag caoineadh.:(

Ní riamh cuala mé faoi iad, an bhfuil siad go maith?

Richard Cranium · 14-09-2010 8:26pm

Banna ceoil ó na Stáit Aontaithe. Bhí siad le chéile le fada ach tá siad ag éirí an-cháiliúil anois. I mo thuairim féin, is ceann de na grúpaí ceoil is fearr iad, atá fós le chéile inniú. Táim go hiomlán i ngrá leo.
(Mar chomparáid, is é Radiohead an banna ceoil is fearr liom).

Beidh trí oíche acu san Olympia (timpeall 5000 ticéadaí a bhí ar dhíol). Tosaíodh ag díol iad ag a naoi a chlog, maidin Dé hAoine, agus bhíodar go léir imithe ag 10.45 an maidin sin nuair a shroich mé Ticketmaster.

Seo sean-amhrán uathu (ó bhliain 2007):

https://www.youtube.com/watch?v=KehwyWmXr3U

Agus amhrán óna h-albam nua:

Insect Overlord · 30-09-2010 11:27pm

Nach bhfuil an fóram seo an-chiúin?

dambarude · 30-09-2010 11:40pm

An-chiúin ar fad.

Is dócha go bhfuil sé deacair labhairt faoi rudaí go ginearálta nuair atá a leithéidí After Hours agus fóraim eile ann. Ní bhíonn a dhóthain scéalta sa nuacht faoi chúrsaí a bhaineann leis an teanga amháin chun daoine a mhealladh anseo agus postáil chuile lá. Agus má fhéachann tú ar na threads a thosaítear faoin nGaeilge in After Hours feicfidh tú nach bhfuil mórán grá ag roinnt daoine ar Boards don teanga. Ar ndóigh níl daonra an tsuímh seo 'representative' mar a déarfa.

craoltoir · 01-10-2010 8:32am

B'fhéidir go bhfuil gach éinne imithe ar deoraíocht de bharr staid eacnamaíochta na tíre.

Insect Overlord · 01-10-2010 11:46am

Ah, níl gach duine imithe fós

Táim tar éis cúrsa MA sa Ghaeilge a thosnú, is tá deichniúr againn sa rang. Chuamar síos go Dún Chaoin an deireadh seachtain seo caite agus bhí an-chuid Gaelgeoirí ann ó ghach pháirt na tíre.

B'fhéidir nach bhfuil fonn Idirlíne acu?

dambarude · 01-10-2010 2:43pm

Insect Overlord wrote: »

B'fhéidir nach bhfuil fonn Idirlíne acu?

Is dócha go bhfuil, ach níl fonn cainte orthu ar aon nós!

An mbaineann an MA atá á dhéanamh agat le litríocht na Gaeilge amháin? An mbíonn morán uaireanta agat chuile sheachtain leis? Uaireanta bíonn fearg orm nach ndearna mé an B.Oid i gCMGS (seachas an B.Oid le Síc), mar bheinn in ann an Ghaeilge a dhéanamh. Níl aon léacht sa Ghaeilge (Ghairmiúil) agam an seimeastar seo agus tá sé ag cur isteach orm!

civis_liberalis · 03-10-2010 11:39pm

Hello, táim ar ais arís...

Tá an áit seo an-an-chiúin.

Ní raibh mé istigh anseo ó tús an samhraidh. Níor tharla aon rud suimiúil ó shin?

Richard Cranium · 05-10-2010 6:44pm

Beagnach gach rud a tharla, tá sé le feiceáil sa snáithe seo.

B'fhéidir go bhfuil feachtas fógraíochta ag teastáil uainn.

Grudaire · 05-10-2010 11:41pm

An bhfuil tada le plé faoi fiú!?

Ar aon nós tá mé ar ais san ollscoil, agus ag baint an sult as - conas atá sibh?

Richard Cranium · 06-10-2010 1:16pm

Mise freisin, ag déanamh fíor-FMAS anois agus ag baint taitneamh as. Táim ag baint taitneamh fiú as staitisticí i mbliana :eek:

dambarude · 06-10-2010 11:29pm

Richard Cranium wrote: »

Mise freisin, ag déanamh fíor-FMAS anois agus ag baint taitneamh as. Táim ag baint taitneamh fiú as staitisticí i mbliana :eek:

Céard go díreach é FMAS? Táim féin ag déanamh staitisticí i mbliana, modúl amháin, a dhíríonn ar staitisticí don síceolaíocht (ag usáid PASW-SPSS).

Richard Cranium · 07-10-2010 12:29pm

Financial Maths and Actuarial Science, an t-ainm oifigiúil don chúrsa achtúire in Ollscoil Chorcaí. Beidh 15 creidmheasa (?) de staitisticí agam i mbliana, agus dhá mhodúil eile le béim mór ar staitisticí freisin. B'fhuath liom an t-ábhar sin anuraidh, ach buíochas mór le Dia ní chuireann sé isteach orm níos mó.

AnFeirmeoir · 07-10-2010 5:21pm

Fán i bhur cuid gcúsaí! Níl aon postanna le fáil agus tá sé cosúil nach mbeidh le tamall fáda. Tá se an-ciúin i mo phost le bliain anuas anois.

Grudaire · 07-10-2010 6:13pm

Tá postanna le fáil mar achtúire (Actuary). Tá an AE ag chuir riallacha nua i bhfeidhm don árachas. Glaoitear "Solvency 2" ar! Choinnigh leis an cúrsa!

An feirmeoir thú a anFeirmeoir?

AnFeirmeoir · 08-10-2010 2:51pm

Táim i mo riarthóir freastalai sa lá agus táim i mo fheirmeoir san oíche. Tá fiche acraí agam le caora agus beithígh. Deirtear go dtagann feabhas ar bhrabúis san fheirmeireacht nuair atá cúlú eacnamíocht ann agus tá sé cosúil go bfhuil sé seo fior. D'ardaigh phraghsanna le deanaí ach is chuma, níl a ndóthain talamh agam chun beith i mo fheirmeoir lán-aimsire.

B'fhéidir go mbeidh postanna lé fáil san earnáill tógála nuair a thosaíonn siad ag leagan na eastát tithíochta folomh atá ar fúd na tire!

Grudaire · 08-10-2010 10:19pm

Tá súil agam go mbeidh postanna le fáil in san Dáil go luath.

An seomra suite

Comments