Gaeilge: Cad tá i ndán di?

Bí á labhairt.
Bí á léamh.
Bí á scríobh.

Déan do dhícheall chun an teanga a shealbhú chomh maith agus is féidir leat, i réimsí éagsúla den saol.

Cur i gcás - an ndéanann tú obair láimhe ariamh? má dhéanann, an bhfuil an foclóir ar fad a bhaineann leis an obair sin ar eolas agat i nGaeilge?
Mura bhfuil, cuardaigh an t-eolas agus beidh tú ag cur le do chuid Gaeilge - agus beidh tú in ann an t-eolas a chur ar aghaidh go dtí daoine eile, nó go dtí and chéad ghlún eile!

Bí ag déanamh rudaí nua trí mheán na teanga gach uair a fhaigheann tú an deis.

Ó thaobh a bheith ag díospóireacht le daoine atá ina coinne, tá fadhb ann muna mbíonn muid páirteach sa díospóireacht sin: go bhfágfar blár an chatha leo, agus tá seans ann go n-éistfear leo seachas linne.

Is é sin le rá, ní hé go bhfuil mórán le buachtaint againn as gan cúrsaí a phlé leo, ach tá go leor le cailliúint mura nglacann muid páirt.

Bí párteach i ngrúpaí chun dul i mbun rudaí éagsúla, do chuid caitheamh aimsire srl, nó bunaigh ghrúpa mura bhfuil a leithéid ann cheana.