"An Drúcht Geal Ceo / The Foggy Dew"

An Riabhach

Tá clú agus cáil ar an amhrán seo i mBéarla.Ach an chéad uair a chuala mé an leagan Gaeilge seo ar an raidió,bhí an ghruaig ina sheasamh suas agam.

https://www.youtube.com/watch?v=SYtyrpsTfeg

Gráinne Holland atá ag canadh.Is amhrán,agus fís,den chéad scoth é,nach bhfuil?
Is breá é go bhfuil leaganacha Gaeilge de na hamhráin den chineál seo ag teacht amach in am do na chuimhneacháin 1916-2016,agus go deimhin,An Saighdiúir Bocht Cróga chomh maith.

An Riabhach

Tá an dlúthcheirnín seo agam anois.Seo iad na liricí:

An Drúcht Geal Ceo

'Gabháil síos a'gleann dom i measc na gcrann
Go dtí an chathair aoibhinn shuairc
Bhí na slóite teann fána mílte lann
Ag teacht aníos gan ghruaim
Ní raibh crónán caoin as béalaibh píob
Ná drumaí a'tógáil gleo
Ach an clog go binn ag cur fáilte bhinn
Roimh an Aingeal sa drúcht geal ceo

Chroch siad in airde a mbrat go hard
Os cionn Caisleán Bhaile Átha Cliath
Níor ní leo bás fháil ag Sud El Bar
Agus Éire na ndiaidh i bpian
Is ó lár na Mí sea ghluais an scaoth
De laochra líofa beo
Agus slóite Gall ag bailiú anall
A gcuid gunnaí sa drúcht geal ceo

Ar shiúl mar chadhain,mo chreach is mo léan
Tá na céadta curadh cruaidh
Tá a gcnámha sínte ag Suvla an tsín
Nó fá chósta na mara thuaidh
Dá bhfaigheadh siad bás sa bhaile ar láimh
Leis an Phiarsach tá inniu sa ghlóir
Bheadh a n-uaigh faoin tsliabh i measc na bhFiann
Mar a dtiteann an drúcht geal ceo

Siad plúr na laoch a thit faraor
I mbriseadh cruaidh na Cásc'
Agus d'fhág siad sinn go cráite tinn
Ag éagaoin fána mbás
Is bhí súile an tsaoil ag breathnú an ghnímh
A rinne clanna Gael sa ghleo
Na leoin a d'éag le solas gléigeal
Na saoirse sa drúcht geal ceo

Phill mé aníos fán ghleann arís
Is mo chroí bocht lán le bhrón
Is mé scartha chóich' le plúr na laoch
Nach bhfeicfinn arís níos mó
Is i lár na hoíche sea bhímse ag guí
Le bhur gcónaí bheith sa ghlóir
Nó ruaig sibh na tráill,a fheara Fáil
Nuair a thit sibh sa drúcht geal ceo

An gal gréine

An ndeireann Gráinne cé a rinne an t-aistriúchán?
Chuala mé gur Séamus Ó Grianna a bhí ann.

An Riabhach

^^^^
Tá an ceart agat.
Deireann Gráinne:

"Deirtear liom gur an scríobhneoir iomráiteach as Rann na Feirste,Séamas Ó Grianna(1889-1969) a d'aistrigh go Gaeilge."

Leagan iontach é agus guth álainn ag Gráinne.